3大兩餸飯店出新招吸客！$19起嘆一人碟頭飯/籠仔糯米蟹 9pm後任食餸菜+白飯

更新時間：15:41 2025-07-31 HKT
發佈時間：15:41 2025-07-31 HKT

近年香港兩餸飯店愈開愈多，幾乎每區都有，更被網民譽為「窮人恩物」！不過，要在「兩餸飯」戰場中生存，各餐廳就要不時推出新餸或優惠搶客。近日3大龍頭兩餸飯店包括權發小廚、老闆娘家常飯及鄭記大飯桶，都各出奇謀相繼出新招搶客吸客，低至$19就可享用，即睇內文詳情！

兩餸飯3大龍頭店新招吸客$19起權發/老闆娘家常菜/鄭記大飯桶

1. 權發小廚重磅限量菜式 $98荷香籠仔糯米蟹

極受食客歡迎的兩餸飯龍頭店之一權發小廚，近日推出新菜式荷香籠仔糯米蟹，每籠大大碟只售$98，每日中午12時至4時會即叫即做，大約要等候15分鐘，而4點後則會放在廳面售賣，可以預訂。蟹以籠仔古法蒸製，鮮味盡滲糯米中，有幫襯過的食客都指菜式份量十足，「蟹有膏」、「超值、好好味」，大約有兩碗糯米飯，「一個人食唔曬」。

權發小廚「荷香籠仔糯米蟹」

供應日期︰即日起4pm後廳面有售；12nn至4pm期間即叫即做
供應地點︰全線分店

2. 老闆娘家常飯推「一人之境」碟頭飯

來自新加坡的過江龍老闆娘家常飯，近日推出抵食「一人之境」碟頭飯，包括有港式風味冬菇雲耳蒸雞飯、星州風味新加坡咖喱排骨飯，每份只賣$19，另外馬來西亞配方的招牌奶茶亦同步做體驗價$8，非常抵食。如食豪啲，更可試試新出的「高級版碟頭飯」蘋果木煙熏格陵蘭比目魚扒，每份優惠價$68，每日4時後限量供應20份。

老闆娘家常飯

供應日期︰即日起
地址︰灣仔軒尼詩道68-76號新禧大樓地下B號舖

3. 油麻地鄭記大飯桶任食放題 $35無限添食餸飯

有網民日前在社交平台分享，油麻地兩餸飯店鄭記大飯桶每晚會推出限定「自助餐」，於每晚上9時後至10時半關店前，顧客可享「無限添食」餸菜及白飯，每位只需$35。而食客只要求「要食完一碟才可再添，不能吃剩丟掉」，以減少浪費食物。外賣同樣有優惠，食客可以$35低價購買飯盒，可選淨餸或配飯，餸菜款式及數量不限，「總之塞滿一盒」便可以，獲網民大讚實惠。