食甜筒無筒？維記甜筒開出「隱藏限量版」 網民笑言：有冇得放上網炒？官方有回應！
發佈時間：15:25 2025-05-20 HKT
夏日熱焫焫，來一支透心涼的雪糕就最好不過！除了全城瘋搶的雀巢「笨NANA」雪條一支難求，維記全新推出的經典紅白包裝「牛奶士多啤梨脆脆雪糕甜筒」同樣大受歡迎，近日更有人表示找到「隱藏版」，撕開後只有雪糕沒有甜筒，被網民笑言是「SSR版」：「有冇得放上網炒？」
維記甜筒網民撕出隱藏級「SSR版」：有冇得放上網炒？
最近，維記牛奶為慶祝85周年推出「鮮牛奶士多啤梨脆脆雪糕甜筒」，以經典紅白設計登場，採用鮮牛奶雪糕配士多啤梨脆脆，強調無添加人工香料及色素，售價為$10.9，各大超市及便利店有售，而官方網店平台現已售罄。
不過，最近就有網民發現這款甜筒竟然出現「隱藏版」？有網民在社交平台Threads發文，指購入該款甜筒後撕開包裝紙，惟一直只見雪糕未見甜筒，「維記新出牛奶士多啤梨脆脆甜筒真係好好食，不過我個甜筒冇咗個筒，所以好快溶，不過真係好好食」，笑言「算唔算係贏咗99.9%香港人？」
帖文一出到隨即引來網民熱議，對事件大感驚訝，「點解會無左個筒？SSR版？」、「冇咗個筒第一次聽……」，事主對此幽默回應：「唔知係好彩定唔好彩，好彩係冇咁滯，唔好彩係好快溶」、「錯版甜筒有冇得放上網炒？」有人則指出原來「甜筒無筒」並非單一事件，「一個朝早碌已經三個po話呢個雪糕無筒」、「最多贏50%香港人！」
「甜筒無筒」成未解之謎：店員都呆咗！
有同樣遇上「甜筒無筒」的網民則形容撕開雪糕的過程如「開到盲盒了」，「無桶（筒）兜住，融得勁快，一路食一路滴」，直言希望官方可以解答「無脆桶（筒）呢個未解之謎」；亦有網民笑言「開到隱藏款，點解可以咁搞笑連個雪糕筒都冇，店員都呆咗」！有部分網民更猜測是品牌的宣傳手法，目的是想吸引更多人購買嘗試「開盲盒」。
《星島頭條》記者就事件聯絡維記牛奶了解，獲回覆表示是「個別情況」：「針對近期網民反映本司之甜筒未附有『甜筒』一事，我們已高度關注，並與物料供應商緊密跟進中，積極尋求解決方案。我們一直非常重視客戶的意見和產品品質。此事件屬於個別情況，本公司一向嚴格重視食品安全，並全面遵循ISO22000食品安全管理標準，確保每一批次產品在出廠時皆安全食用。」
來源：維記牛奶 Kowloon Dairy、edwina_unso、lorrainecho__、_fl.cy_@Threads
延伸閱讀：雞蛋售價震驚內地人？$0.6一隻平過深圳 湖北網民「我都不知道湖北蛋這麼有名」
