港女預約太子居酒屋因病欲改期反被店員「語氣輕佻」回覆1句惹怒：駛唔駛畀埋醫生紙你睇？

更新時間：15:19 2025-05-15 HKT
發佈時間：15:19 2025-05-15 HKT

香港餐飲業時常因服務質素出現爭議。最近有網民原定到訪太子一間居酒屋，卻因突然生病而希望更改預約日期，計劃休息一天後於翌日前往，於是委託男友致電餐廳，惟店員一句帶輕佻語氣的回覆，令事主感到不受尊重，無奈大呻：「病我都控制唔到，駛唔駛畀埋張醫生紙你哋睇？」

港女預約太子居酒屋因病欲改期反被店員「語氣輕佻」回覆1句

有網民發文控訴遭一間太子居酒屋不禮貌對待，怒轟：「病我都控制唔到，駛唔駛畀埋張醫生紙你哋睇？」（來源：Threads）

最近有網民於Threads發文，控訴遭一間太子居酒屋不禮貌對待。事源事主原來預約當日到訪，卻突然生病請病假，打算休息一天後於翌日前往，於是委託男友致電餐廳，向店員表明因病希望更改預約日期。

不料，店員卻回應：「哦～今日病左呀？咁聽日就會好返啦？haha」事主形容對方「語氣勁輕佻」，令自己感到不受尊重，無奈表示：「我唔知得罪貴餐廳啲咩，我係真心想試下，同埋唔想掃興所以先話聽日，又唔係臨時no show（爽約）」更怒轟店方態度差：「病我都控制唔到，駛唔駛畀埋張醫生紙你哋睇？」

網民有同感：咁嘅態度執笠都係好事

事主的遭遇引起網民熱議，直指店方態度差：「而家連book位食飯都要請病假俾醫生紙了，食個飯都要俾人串」、「香港服務態度真係世一，世界倒數第一。」、「佢咁講好似懷疑你詐病咁，老闆咩？係甩底要cancel就唔駛講聽日再嚟啦！呢間好似唔係第一次被人話態度差。」、「你打電話去取消已經好有交帶，病係人都唔想」、「我都唔係咁鐘意香港餐廳啲態度，執笠都係好事」、「香港老闆: 點解無人留港消費，also香港老闆: 當客人係狗。」、「點解唔講句祝早日康復大家開心」、「No show又要被人話西客，交代又要被人串」

亦有不少人表示有同感，指自己光顧該餐廳時有類似遭遇，服務質素一向為人詬病：「又貴又難食又受氣，以後絕不幫襯」、「呢間餐廳可能係我一年內食過唯一一間覺得overrated（過譽）+CP（性價比）低+服務態度差嘅餐廳。」

有網民建議事主下次無需透露原因：「其實改時間唔需要講真實原因，只要講嚟唔到要改聽日就可以，乜駛解釋咁多」、「唔使同人講太多私人原因，點解取消，對方唔一定比情緒價值你」

不過亦有人撐店方，指是事主「想太多」：「睇字唔覺有咩問題，就算你話佢輕佻，但我覺得係佢講笑啫。」、「佢意思係要唔要諗多陣，可能女朋友要多啲時間休息，聽日太趕，但唔識講嘢。」、「會唔會係你你都幾好笑，你自己都改聽日，咁你聽日就一定好返㗎啦，人哋有理解錯？太敏感」

來源：Threads