蘇施黃再被爆霸道惡行！再有前商台DJ爆料曾失控扔鉸剪 強制熄咪禁持相反意見
發佈時間：19:00 2025-09-25 HKT
商台DJ黎榮業（Tristan）主持節目《大玩派》、《台下十年功》同《一家大晒》，當年在泰山（本名曾匡民）離開商台後，跟蘇施黃（阿蘇）合作，之後網民翻Loop蘇施黃在節目《蘇GOOD》上，曾嫌雪糕貴掟小販，去燒味檔逐樣彈，引起網民熱議。Tristan現身 吳家樂、鄧兆尊、謝遜主持YouTube頻道節目《娛樂好好玩》時，坦言第一日返工已知會有機會與蘇施黃拍檔，而蘇施黃亦會在試驗新人反應時，爆粗鬧人。
蘇施黃鬧人睇心情
Tristan爆料指蘇施黃鬧人睇心情，幸而未有被對方鬧到喊：「但係我會嬲，一開始會覺得點解咁小嘅嘢，有時要睇佢嘅脾氣。」Tristan解釋泰山被掟筆，會將宣傳稿放枱面，如果蘇施黃覺得不滿意就會飛紙掟嘢，太差就會掟筆，見乜扔乜：「我嗰時試過扔鉸剪。」
相關閱讀：商台Dj泰山跟蘇施黃搵食被鬧足八年打散自尊：搵支筆車埋我度 阿蘇回應指控：仍然係大魔頭
Tristan與蘇施黃合作七年，坦言算好彩：「因為接手嘅時刻（蘇施黃）生完癌，最燥底嘅時候過晒，變返溫和咗嘅羊。但都燥底有時睇心情，feel到佢唔對路呢，真係會無無厘啦更都搵嘢鬧，你冇做錯嘢都會鬧嘅。」Tristan因知對方性格，加上每日只相處兩小時，自行消化就可以。
相關閱讀：70歲金牌主持兩度患癌 久休復出做直播有驚人變化 騷化療恐怖後遺症：條血管死咗
主持吳家樂問到新人被安排招呼「太后」蘇施黃，可否拒絕時，Tristan笑說：「咁冇㗎！呢組死亡組嚟㗎！」Tristan當時被安排入組坦言沒有太多想法：「個個都話佢好恐怖，細路哥未見過咩叫恐怖嘅嘢。」Tristan又指蘇施黃不分男女、嘉賓都會鬧，但甚少人駁嘴。
蘇施黃一言堂不接受意見分歧
但Tristan曾試過與蘇施黃在意見上分歧，遭對方強制熄咪：「我記得有一次好反對佢，有一日題目』分咗手做唔做到朋友』，呢個好個人意見，咁我就分咗手可以做朋友，佢覺得分咗手唔可以做朋友，開緊咪嘅，佢話『你識啲咩丫』，唔俾我再出聲，即刻拎開我支咪，我係禁言，我係唔開心嘅。」
相關閱讀：蘇施黃嫌雪糕貴掟小販片段翻HIT兼瘋傳 IG留言辣慶網民：根本就冇料到
