女神配對計劃丨葉蒨文甜到漏視曾展望為結婚對象 關嘉敏與Matthew因一事未能配對成功
發佈時間：21:30 2025-09-24 HKT
TVB綜藝節目《女神配對計劃 最後告白》結局篇已圓滿結束，葉蒨文（Sophie）、梁敏巧（Maggie）、關嘉敏（Carman）、羅毓儀（Yuki）及李芷晴 （Stephanie）話題依然源源不絕，葉蒨文與曾展望（GM） 日前無預警現身紅館欣賞《周興哲Odyssey World Tour2025 Returns–Hong Kong演唱會》，兩人被不少現場觀眾近距離「捕獲」，照片更在社交平台上瘋傳，兩人正式公開戀情。劉啟進（Matt）在監製慫恿下，於凌晨時分給梁敏巧送外賣、二人還當著一眾網民大玩互餵薯條，二位女神的親密互動都會觸發網民神經。
《女神》曾播出的花絮及絕密片段曝光
對於《女神》圓滿結束，連日來不少網民留言大嘆不捨、並希望監製能發放更多《女神》未曾播出的花絮及絕密片段。有見及此，TVB在本周日（28日）推出《女神配對計劃 金牌媒人的最後晚餐》，主持人林盛斌（阿Bob）將在節目與五位女神葉蒨文、梁敏巧、關嘉敏、羅毓儀及李芷晴邊食邊盡訴心中情；五位女神亦一如既往真情流露、極盡坦白，令最後晚餐淚點處處，堪稱淚之飯局。
相關閱讀：葉蒨文曾展望無預警合體睇周興哲演唱會 Sophie被近距離捕獲手上一物曝光二人真實關係
葉蒨文對林堡熙欠缺 Chemistry
五位女神之中，以葉蒨文與曾展望的成功配對最惹關注，曾展望在《最後告白》中連說三次「我愛你」後再追加「世紀之吻」，一度成為全城焦點，獲讚浪漫、霸氣又勇敢！葉蒨文在《最後晚餐》中，有大方分享當時聽到曾展望說「我愛你」時、內心的真實回應是三個字：「其實嗰吓聽到GM係咁嗌『我愛你』，我內心有一個好細聲嘅回應，XXX！但我講唔出口咯嗰吓，我對唔到大眾講呀，咁而家要補番。」葉蒨文還提及了對林堡熙（Eddie ）睇法，她坦言與對方確實有很夾的地方，只是無奈地欠缺 Chemistry：「我對 Eddie冇GM嗰種火花。」又還強調不介意陪伴另一半奮鬥，但希望另一半是以結婚為前提與她拍拖：「我想知道佢有呢個決心， 係同我以結婚為前提咁去拍拖，我唔會拍散拖，我上一段（戀情）都六年半。」葉蒨文則鼓勵葉蒨文要將真實想法說出口：「可能你講出嚟大家好夾都唔定…雖然有人覺得可能男仔唔想咁早結婚，但可能佢同其他 人有唔同諗法。」
關嘉敏剖白當日激動全因三個字
在《最後告白》中向姜卓文（細 John）許下「虐心放手宣言」、令全城為之心痛的關嘉敏，在節目中親自剖白當日的激動全因三個字 – 不捨得：「其實我唔係好捨得去放手，但係嗰刻好想逼自己放手，所以我先咁激動，長痛不如短痛。」關嘉敏沒有想過自己的真人騷愛情故事會如此Dramatic，並坦言參加《女神》，令她「搵返戀愛嘅感覺」：「我冇諗過呢兩個人對我嚟講咁Drama，我冇諗過呢個真人騷我會遇到咁極端嘅兩邊。」關嘉敏與黃家俊（Matthew）已發展至見家長地步，其實拍攝《最後晚餐》 時，關嘉敏依然仍未覺得Matthew是可考慮發展對象，除因怕辜負對方，還因覺得 Matthew 未夠了解自己：「我覺得佢所有嘢都係幾好，但我有時同佢溝通、好似同緊AI 溝通咁、好唔人性。可能我同佢講心事，佢會重覆我嘅答案或者問題， 我覺得咁唔係溝通緊，咁樣好似得我自己講咁，我唔能夠同唔了解我嘅人一 齊。」談到姜卓文，關嘉敏還是一再淚崩並再度強調二人有緣無份：「我 有時又會好驚好似太主動會嚇親佢，我成世人未試過咁主動…我知好多人都覺得細 John幾好，我都想（一齊）呀，其實我Day One都已經好主動去揀佢、其實我冇變過。」
相關閱讀：《女神配對計劃》李芷晴拒愛遭網民出言侮辱狂轟「拜金收兵」 親自回覆評論神逆轉
李芷晴很感激負評令她成長
關嘉敏還大談與姜卓文經歷了五大階段後、終察覺大家最終不能走在一起的原因：「原來我哋係 Sync到，但係佢唔 Ready。」 雖然五位女神憑《女神》人氣急升、贏盡好評，但其實節目開播初期，梁敏巧及李芷晴先後面對不少抨擊，兩位女神談及當時情況均忍不住淚灑飯局現場，不過李芷晴還是很感激負評令她成長：「我都係好 care網民comment嗰啲人，節目初期我哋係咁畀人話啦，真係會好 take it serious，但其實你每做一樣嘢都有正反兩面，所以我透過呢個節目反而學識咗唔好所有嘢都太過擺喺心，要 Chill 啲，同埋真係睇到唔舒服嘅（Comment）、咪避開佢唔好睇咯。」
