「呂良偉豪門舊愛」激罕現身成就非凡 因水晶陣被攻陷芳心 投資失誤家道中落與親人少往來
發佈時間：11:00 2025-08-12 HKT
80年代女星、永安百貨創辦人郭泉曾孫女郭錦恩（Crystal）於1987年在美國當選華埠小姐後，來港加入嘉禾電影並多次在成龍的電影上演出，當時五官深邃兼鬼妹仔的的外貌令郭錦恩火速上位。
郭錦恩激罕現身掀起昔日回憶
郭錦恩在1989年與呂良偉因合作《四千金》而拍拖，曾有指呂良偉為追郭錦恩，專登在家中布下水晶陣（Crystal），令郭錦恩大為感動，不過兩人拍拖兩年就分手。郭錦恩在1999年與大學同學Richard結婚並育有三子，其後回到美國長居。近日郭錦恩終再現身並接受《流行都市》訪問，掀起了不少昔日回憶。
相關閱讀：《四千金》郭錦恩久未露面keep得勁好 豪門出身靠自己製作紀錄片獲獎無數
郭錦恩以表演研究博士身份到港大教書
明年登六的郭錦恩外貌跟當年變化不大，今次她以表演研究博士身份到港大教書：「我喺2014年離開香港去美國，喺夏威夷定居，一住就住咗10幾年，不過喺嗰邊好悶，咁我咪去讀書，拎咗個博士咪返嚟教書。」郭錦恩笑說自己很愛忙：「初初我嚟香港做嘢，我老竇叫我要磨利一把刀，但係我話唔得，我係嗰啲叫瑞士軍人刀 ，要萬能，可以同時間做幾樣嘢，我鍾意充實、挑戰自己，將唔同嘅嘢同時做。」郭錦恩婚後育有三個小朋友，問到一日24小時如何分配，她笑說：「 我三個小朋友已經20歲、22歲同25歲，佢哋都大晒，唔通喺屋企竹等老公返嚟食飯咩？梗係做吓自己嘢喇，呢啲係我嘅時間，我又好掛住香港嘅生活，所以咪返嚟香港。」
郭錦恩全力發展第二事業
雖然郭錦恩全力發展第二事業，但她從未有想過會教書：「我做咗咁多年清談節目，幕前幕後都做過，所以不如同學生交流。佢哋唔知我以前係明星，我播咗一段我喺《飛龍猛將》演出嘅片段，問佢哋知唔知呢個女仔係邊個，嗰陣完全冇人諗過我，直到另一個老師朋友話呢個係你哋嘅教授，佢哋即刻拎出電話出嚟影，我冇諗過擺我幕前嘅歷史喺課室，不過我諗如果我有一個咁樣嘅教授都會開心，因為都幾難得。」全程輕鬆開朗的郭錦恩，早年曾經歷過不挫折：「曾經我嘅大仔喺10幾歲嘅時候，令到我有啲非常困難嘅挑戰，嗰陣咁低落，我都盡量搵一個正面嘅角度睇人生。我覺得人生係唔可以停，可以喺你嘅人生搵啲有興趣嘅嘢，令你笑得出，開心係好很重要。」
相關閱讀：68歲百億身家巨星靠「奇招」10秒消除體內靜電 可治身體過勞缺氧、預防糖尿病？
郭錦恩家庭背景非常顯赫
郭錦恩當年來港不久被被發現原來家庭背景非常顯赫，是永安集團創辦人郭泉的曾孫女，爸爸是四房郭琳驤的孻仔郭志豪，不過郭錦恩曾表示與家族的親戚不多往來，印象中只有6歲時曾為永安百貨行過騷做模特兒：「爸爸分咗美國嘅產業之後全部投資喺夏威夷發展，點知投資失誤搞到血本無歸，我可能係郭家最窮嘅人，同其他親戚都係每年團拜先會見面。」
