「御用惡人」劉文俊近況罕曝光戾氣全失經營兩間公司再開食肆及補習社因影視圈生態大變轉型

更新時間：18:25 2025-08-11 HKT
發佈時間：18:25 2025-08-11 HKT

劉文俊曾在多部TVB劇集及電影中做臨時演員，由於戲路大多是惡形惡相的小混混，因此被封「御用惡人」。劉文俊於90年代開設臨時演員公司，為香港的影視作品提供大量臨時演員，多次代表臨時演員爭取權益。其實劉文俊已退居幕後多年，近日他接受楊英偉YouTube頻道訪問自爆近況，原來他生意越做越大！

劉文俊呻難開戲

劉文俊以前拍戲的形象是惡霸，但訪問中可見，他已戾氣全失，變成一位慈祥大叔。他透露八、九十年代香港影視圈發展蓬勃，因此臨時演員也工作不斷，但隨着網絡興起，加上合拍片熱潮，臨時演員工作量也大減，近年甚至連開戲都有困難，皆因欠勇敢的投資者。他說：「而家邊個敢投資？拍完啲人都唔會入戲院睇，淨係喺網上睇片，咁個收益賺唔賺得返條數？而家香港就係有呢個問題……真係好唏噓。」

相關閱讀：新一代「御用惡人」步林盛斌後塵惡形惡相竟被垂青：好想知道究竟搞邊科

劉文俊指影視圈欠缺投資者

劉文俊感嘆現時香港的電視台已成為製作公司，而非獨立自家出品，全因影視圈生態有大轉變。劉文俊更點出另一大問題，他說：「而家電影都弊，唔多大製作，同埋啲老闆唔敢投資，唔好話香港啦，連大陸啲投資者都驚，唔敢呀！如果唔係使乜拍啲3分鐘短劇啫！」因此劉文俊非常佩服古天樂，「其實佢都係搏㗎咋，《九龍城寨》畀佢搏到。」他表示非常替古天樂高興。