鄧兆尊山度士激罕同框驚揭二人有淵源 成就各有所長「娛樂圈二世祖」留學因一事得5000呎大屋
發佈時間：17:00 2025-08-11 HKT
被譽為「娛樂圈二世祖」、「現代韋小寶」的鄧兆尊近年活躍網絡世界，為多個YouTube節目擔住主持，分享多年來娛樂圈的經歷，話題不時成為城中熱話。
目前是明星足球隊中堅份子的鄧兆尊，昨日（10日）在IG貼上與前「香港足球先生」山度士（Leslie George Santos）的合照，驚揭二人多年來的關係：「見返小學至中學時期嘅校隊同學。」
相關閱讀：鄧兆尊驚爆曾與賭王家族「何家淑女」相睇！ 一個眼神確認彼此「心意」：賭王家教非常嚴
鄧兆尊山度士是小學兼中學校友
鄧兆尊是已故粵劇名伶新馬師曾（鄧永祥）的兒子，多年來鄧兆尊的家庭與及感情生活一直是外界的焦點，今次貼上與小學兼中學山度士的合照，令不少人驚訝原來二人的淵源。本身是英葡混血兒的山度士，從80年代至2000年代初期是香港最著名足球明星之一，他持有國際足總C級足球教練牌照，於退役後成為足球教練，現為車路士足球學校（香港）營運總裁。山度士小學時期就讀於聖若瑟小學，於升中試後本來被派往觀塘地利亞書院，不過上課僅3日後即被聖若瑟書院邀請返回母校，為校隊在香港學界足球賽事征戰，由C組到A組均奪得冠軍錦標。山度士曾接受母校的訪問，他說：「我細細個已經鍾意踢足球，小學一年班嘅時候，老師見到我踢波有啲天份，所以捉咗我入校隊，嗰陣出去踢波係好辛苦，因為校隊係好勁，變咗出去比賽對手都會肉緊啲。」
鄧兆尊讀書時期運動相當了得
鄧兆尊的中、小學都在聖若瑟書院和聖若瑟小學度過，當年他的成績中等，運動相當了得，由中一至中五是校內田徑隊成員，跳高和跨欄曾獲不少金牌，而且還是羽毛球、排球校隊代表之一。後來鄧兆尊加拿大升學，最初要在親戚家中寄住，直到大學開始搬出來自己住，送Pizza賺到少少了架「甩皮甩骨」的二手車，後來祥嫂到加拿大探望鄧兆尊時才得知真相：「嗰時係197幾年，揸揸吓車會突然間有舊嘢跌出嚟，等一陣執返佢先。再睇埋間房，佢就對住我喊，間房係冇傢俬，剩係得一張床褥同一個雪櫃。佢問我：『你住咗幾耐？』我答：『咪一開始到而家。』佢就大喊，之後我就多咗間5,000呎大屋啦。」鄧兆尊的「若瑟夫」（校友的自稱）除了山度士外，還有東亞銀行主席李國寶、諾貝爾物理學獎得主高錕、方力申、鄧浩光、劉浩龍、丁子高、趙式浩、林海峰和陳百祥等人。
相關閱讀：「娛樂圈二世祖」鄧兆尊出手夠闊綽 用一個月人工「萬歲」一餐：我只係夾咗粒燒賣
