女神配對計劃丨羅毓儀林俊其關係有暗湧？Yuki與 T.Max 終極對話解開心結：我唔係討厭你
發佈時間：15:33 2025-08-09 HKT
TVB戀愛綜藝真人騷《女神配對計劃》將於明晚（10日）播出第10集，今集「閨密花生團」會將5位女神與求愛勇者大兜亂，結果重新分組名單如下：葉蒨文組有林堡熙（Eddie）及林俊其 （Kris）；李芷晴組有林焌堯（Jacob）、姜卓文（細 John）、醫美太子爺陳衍丞 （Kenneth）；羅毓儀組有海淦清（T.Max）、曾展望（GM）；梁敏巧組有陳昇、黃家俊（Matthew）與及關嘉敏組有劉啟進（Matt）、林澤謙（Him）。
曾展望為羅毓儀T.Max解開心結
羅毓儀和林俊其（Kris）早前繼在旺角街頭被網民拍下拖手相後，日前又被拍下在港鐵車廂中貼到實相片，令不少網民猜測二人正在蜜運當中。Yuki對T.Max（海淦清）多次派檸檬，大家為T.Max的手「深情行動」心酸。在明晚播出一集，曾展望拿出《答案之書》主動提議幫二人解開心結，羅毓儀坦言曾為T.Max爆喊。
相關閱讀：女神配對計劃丨9月節目大變陣？林盛斌11字回應傳聞 結局篇超級意想不到
羅毓儀直認曾為 T.Max 爆喊
事緣在「心意配對」遊戲環節上，T.Max雖然不止一次揀中了羅毓儀的帳篷、與羅毓儀「心靈相通」，但可惜羅毓儀每一次都未有將「心意鎖匙」交到男方手上，令網民及花生團亦為之肉緊。今集曾展望主動提議幫二人解開心結，結果兩位主角得到的答案是：「睇吓用新嘅方法溝通。」羅毓儀亦大表贊同：「如果可以換過第二個方式相處，話唔定大家都會舒服啲？」 之後 T.Max 拋直球問羅毓儀為何在「心意配對」中不選擇他時，答案之書開出的答案不但令兩位當事人心服口服，曾展望更一度被震撼至噴水！之後曾展望再以「你問我答」形式幫助兩位「I 人」主角說出心底話。兩位主角真情對話後，T.Max 直認內疚，而羅毓儀亦拋出了真心又感性的一句：「我唔係討厭你呀，我噚晚點解會爆喊呢？其實係我覺得對你唔住…」曾展望聞言即完美打圓場：「你哋其實都幾錫大家嘅。」 兩位當事人對曾展望大表感激，T.Max說：「真係好感謝曾展望，佢幫我哋 Hold住咗成件事，令到我將啲好想講嘅事講咗出嚟」羅毓儀還說：「好幫助到我哋去解開心結嘅。」
李芷晴姜卓文同組後感情增進
今集另一個戲劇式一刻，是當五大女神與首輪獲得「同房鎖匙」的求愛勇者過完夜後，有人春風滿面，更有人公然拖。陳昇拖著李芷晴現身食早餐場地時引發全場熱烈起哄，期間李芷晴不斷流露如少女般的羞澀表情之餘、還一度嚇到要躲到陳昇身後。完成拖手儀式後，陳昇一坐低，即遭新組員梁敏巧追問：「你尋晚點呀？」姜卓文更忍不住跨組搭嗲：「係咪唔使拍喇你哋？」而之前被拍到與李芷晴打網球密會的 Jacob，坦言見到女神與陳昇拖手不開心：「係咪佢哋尋晚已經傾咗好多嘢呢？令到佢哋關係昇華咗咁多呢？」除了陳昇，李芷晴與姜卓文的感情亦似乎增進不少。由於姜卓文報名參加《女神》時高調宣布想追求芷晴，如今二人終於「合體同組」自然引發關注，關嘉敏明言「唔想」事情如此發展。
相關閱讀：女神配對計劃｜羅毓儀林俊其再被甜蜜捕獲 港鐵車廂黐到實做一事 曾認於旺角拖手
曾展望未能與葉蒨文同組極度氣憤
本集另一突然跑出的、還有突然躍升「大男主」的林堡熙（Eddie），Eddie今集終可撇開勁敵曾展望及林澤謙與女神葉蒨文一組，他的「人肉 GPS」專長令葉蒨文眼前一亮，二人閒聊期間，意外發現了二人同樣於四歲左右的年紀已要經歷父母離異，而且之後還一樣是與母親及後父同 住，背景堪稱「神巧合」！對於未能與葉蒨文同組，曾展望自然極度氣憤，酸樣外露的同時、更一度激動至大力拍大髀並高呼：「邊個棒打鴛鴦？！」與葉蒨文同房後的曾展望，未知是否叉 足電表現突變積極，不但懶理Eddie「擋路」借啲意「紙巾傳情」冧葉蒨文，更主動出擊要求已離組的葉蒨文坐在自己身旁，見葉蒨文意圖返回原位時又口花花 謂：「你唔好走住啦！」氹得葉蒨文心花怒放。
