女神配對計劃丨9月節目大變陣？林盛斌11字回應傳聞 結局篇超級意想不到
發佈時間：22:30 2025-08-06 HKT
TVB戀愛綜藝真人騷《女神配對計劃》播映網上成功製造了不少熱話，隨着葉蒨文（Sophie）與曾展望（GM）、羅毓儀（Yuki）與林俊其（Kris）、梁敏巧（Maggie）與劉啟進（Matt）與及關嘉敏（Carman）與黃家俊（Matthew）的關係明朗化，配對計劃亦即將進入尾聲。
《女神配對計劃》並未結束仍有下文
日前林盛斌（Bob）在IG貼上一張通告並說：「《女神配對計劃》，終極拍攝，大結局。今日見到好多笑容，亦都見到好多眼淚。聽日，最後一日。」葉蒨文拍完結局後，立刻入醫院睇醫生，但即使過程極為辛苦：「感受到收穫與感動，一切都值得！」今日有消息指原來《女神配對計劃》並未結束，仍有下文。
相關閱讀：女神配對計劃丨姜卓文關嘉敏最終擦身而過？大合照洩玄機去留成焦點 曾被無視頹爆放棄
《女神配對計劃》傳下月8日新形式播出
《女神配對計劃》將會在本月24日播出最後一集，不過有傳並非「最後告白」一幕，完成第13集後暫作休息，下月8日將會以《女神配對計劃 終極抉擇》一連五晚將於晚上10點半時段播出。《星島頭條》今日曾向林盛斌了解，他說：「跟住點樣播，我真係唔清楚，（之前再招募嗰啲有冇話幾時現？）啱啱拍完喇，（最後幾集會見到？）如果冇剪走嘅話，應該見到嘅，繼續睇落去啦，之後好精彩㗎，超級無敵意想不到。」
林盛斌曾以主持人身份回應留言和討論
當日《女神配對計劃》播了一半的時候，對於網上的留言和討論，林盛斌曾以主持人身份回應，談到可以不要一個禮拜一集？林盛斌說：「因為呢一個係一個戀愛綜藝節目，其實同好多比賽類或者選秀型節目差唔多，都係一星期一次，等大家討論吓，維持個追看性，所以就放咗喺星期日呢一個黃金時段去播放，而電視台嘅節目表，絕大部份都係一早已經排好晒，不過聽到大家嘅意見，我哋都會努力嘗試，睇吓有冇機會爭取作出相應嘅調動，但因為仲有好多相應嘅難題需要克服，例如拍攝時間、剪接時間等等，所以未必一時三刻就能夠改動。」至於加入踢館這個元素，他則說：「女神先至可以有更多選擇，當然佢哋亦都考慮到增加成件事嘅可觀性同娛樂性，所以早前先至再有公開招募呢個安排。」
相關閱讀：女神配對計劃丨葉蒨文曾展望眾望所歸同房過夜 Sophie冇女神包袱坦蕩蕩Cutie度爆燈 因一事GM被嫌未夠主動
