黑雨丨楊卓娜回家途中遇「決堤」險被水沖跌 清晨趕赴機場寸步難行：真係OMG
發佈時間：16:00 2025-08-05 HKT
【天文台/黑雨/紅雨/天氣/HKO】受活躍西南季候風及高空擾動影響，本港及珠江口一帶持續有強雷雨區發展。天文台於周二（8月5日）清晨5時50分再度發出黑色暴雨警報信號，預告黑雨最少維持至下午5時，今次是天文台8日內四度發出黑色暴雨警報信號。受狂風暴雨影響下，楊卓娜連環發生「黑仔事件簿」。
楊卓娜今日在IG貼上手持特區護照並在歎午餐相片，表面上看來狀甚輕鬆，似乎未有受惡劣天氣影響，但原來相片背後有一段故，楊卓娜撰長文大吐苦水，從昨晚（8月4日）深夜11時45分天文台發出黑色暴雨警告信號後，頭頭碰着黑並說：「疲於奔命的12小時！可惡嘅黑雨！」
相關閱讀：黑雨｜鄭丹瑞女兒鄭瑤老公清晨狂風暴雨下堅持外出 老婆不適卧病在床仍做一事：crazy！
楊卓娜黑雨回家途中險被水沖跌
楊卓娜今日在IG撰長文分享連環發生「黑仔事件簿」：「噚晚半夜2:30am左右，黑雨浸到車位前嘅馬路好似黃河咁，車返唔到屋企，我只能停泊一邊，徒步回家，爭啲畀水沖跌！突然醒起未拎Passport，隨手拎起放入手袋，梳洗完諗住爭取時間去休息，結果行雷閃電雨聲，令我擔心咗一晚，又擔心早上都移唔到車返車位，又擔心早上水浸太深未退，離開唔到屋企去機場，結果成晚都冇瞓！好唔容易頂住黑雨，早上終於call到車前往機場，去到機場check-in先發現原來我個Passport唔係Passport holder入邊，呢一刻真係「OMG」，「如雷灌頂」，呆咗！」
楊卓娜十萬火急撞正黑雨 寸步難行
楊卓娜續說：「畀人教訓咗10分鐘，終於成功教工人姐姐搵到我個Passport，諗住過到關，但係又call唔到車，最後終於得到好鄰居嘅幫助送姐姐和passport來機場，但係，行行吓，路上又水浸全部車死火，天啊，旅行先嚟黑雨，仲要十萬火急撞正黑雨， 寸步難行。等咗1小時，我嘅英勇鄰居為咗唔好再喺路上遇上更多嘅水浸，更多嘅延誤，終於決定將姐姐車到去地鐵站，我聰明又善良嘅姐姐，最後幾經辛苦再用咗一個半小時終於將我嘅Passport送到我手上！飛機當然就搭唔到啦，唯有轉下一班！」楊卓娜感謝航空公司的協助，令六神無主的她很快可以安定下來：「雖然我要拜拜楊生同豹豹佢哋條尾，但係無端端賺咗幾個鐘頭me time可以好好行吓街，喺機場食個靚lunch， 上機之後就可以好好補眠尋晚欠咗嘅美容覺！經一事長一智，下次真係要小心啲，拎咗Passport Holder，唔等於拎咗Passport 㗎！反省完畢，繼續食嘢！」
相關閱讀：黑雨｜張敬軒暴雨下路經般咸道見證好人好事 「網球袋叔叔」一人拯救成條馬路：好人有好報
