新一代「御用惡人」步林盛斌後塵 惡形惡相竟被垂青：好想知道究竟搞邊科
發佈時間：15:00 2025-08-05 HKT
「娛圈吸金王」林盛斌（Bob）昨日（４日）撰千字文自嘲「千年道行一朝喪，出嚟撈咗20年，第一次遇上呢啲點估都估唔到嘅劇情。」事緣林盛斌早前接到單job，有一位自稱喺老人院負責行政的「李先生」有意找他做代言人拍廣告，他的經理人Karman與「李先生」傾好合作方案後，本來打算到老人院視察實質環境兼傾拍攝內容，到達老人院被接待處職員告知： 「李生？邊個李生？我哋呢度冇呢個人。」林盛斌還說：「中間佢都有叫我經理人幫手買電動輪椅。」
前樂隊MR成員之一黎澤恩險中招
林盛斌為免再有人中招，曾坦言事件確實要報《東張》，言談間透露商台DJ余迪偉早前在節目《口水多過浪花》與林盛斌同九成一樣的遭遇。想不到「橋唔怕舊、最緊要受。」前樂隊MR成員之一的黎澤恩（Ronny）在IG自爆遇上自稱喺老人院負責行政的「李先生」：「咁究竟呃佢哋做咩先？」
相關閱讀：林盛斌Bob千年道行一朝喪 慘遇世紀騙案考慮報《東張》：黐鬼線真係好癲
黎澤恩近年在電視劇演出不少奸角
黎澤恩近年在電視劇演出不少奸角，當中角色深入民心，昨日在IG貼上四個奸角造型的劇照並說：「有料！上邊嗰四個你都夠膽呃？一個係泰國殺手陳高高、一個係新界黑幫大佬鄧偉南、一個係《新聞女王》都要採訪佢嘅賊王何烈，仲有一個係…直頭唔係一個人嘅暗黑人格Sunny，咁究竟呃佢哋做咩先？你又點會估到，有人想搵佢哋代言安老院？」黎澤恩再解事件的來龍去脈：「大佬呀！你即係想玩死marketing嗰班同事啫！你叫人哋情何以堪啊？單嘢係咁嘅..前排我經理人Anna收到呢一個工作邀請，想我代言一個安老院，仲要幾好pay。我哋聽到之後當堂嚇一跳，然後得啖笑，但係都好想知道究竟搞邊科。」黎澤恩直言：「個市咁淡，突然間有單咁嘅嘢，你都好難唔叫人哋小心喎！他又說：「我好想知道究竟我呢個深入民心嘅反派形象，點樣可以代言一個安老院？ 即係sell啲孝子孝孫『嗱我哋安老院，個代言人咁兇，應該冇人敢入嚟偷生果啦啩？』、『我哋安老院門口放呢四個人張相 驅邪驅鬼 保平安啊！』咁呀？」
黎澤恩經理人爆有廣告橋段
黎澤恩搞笑地說：「最理想嘅要搵埋Man姐同埋SNK跟下呢單嘢，睇吓後邊係咪有啲乜嘢水喉，再搵埋佳導睇吓呢單嘢有冇得整個故事 『安老英雄』 or『安老女王』，喺截稿之前，收到BOB都好似中招，呢單嘢真係…總之各位經理人、藝人小心！江湖騙子四處招搖撞騙，遲早瀨嘢呀你哋！」彭懷安亦有留言：「呢單嘢咪同阿BOB一樣，直頭同一個人喎！」黎澤恩的經理人說：「其實個廣告嘅橋段，係講緊你同Ronny去扮打劫間老人院，真正目的係想測試間院舍嘅保安系統是否完善！」彭懷安則說：「呢個主題有得搞，不過都要搵啱人傾。」
相關閱讀：黎澤恩「黑暗人格」嚇親大人細路 揭MR.主音離隊內幕丨獨家
