盧覓雪嘲熱刺球迷扯白旗 遭網民圍插影衰阿仙奴球迷 寸爆回應：隻盃留畀你打ＸＸ
發佈時間：16:00 2025-08-01 HKT
英超球隊阿仙奴及熱刺，昨晚（31日）於啟德主場館正面交鋒，最後熱刺以1:0擊敗對手，勝出史上首次於海外進行的「北倫敦打吡」。阿仙奴在香港擁有海量球迷，多名娛樂圈中人都是忠實粉絲，其中盧覓雪就是其中一位，今次她就跟袁文傑、方力申、蔡一傑、蔡一智、鄭丹瑞齊齊入場。愛隊輸波後，盧覓雪就於社交媒體揶揄對手熱刺引起熱議，盧覓雪更同網民引發罵戰。
盧覓雪嘲熱刺球迷未開波先扯白旗
「香港足球盛會2025」第二場賽事，昨晚7時半在啟德主場館舉行，擁有多名球星如沙卡、奧迪加特、馬天尼利等的阿仙奴，卻以0:1不敵死敵熱刺，未能於香港贏波而回。盧覓雪賽後將熱刺球迷集體揮動白色旗幟的影片放上社交網，並表示「乜嘢球隊會未開波就扯晒白旗？#隻盃唔恨要 #留返畀佢哋要喇」。
相關閱讀：盧覓雪首開腔回應姜濤墮海事件 被問有否聯絡花姐：免啦
盧覓雪遭網民圍插「影衰阿迷」
盧覓雪的一番「搶口」言論引起熱議，大量球迷湧入留言：「影衰哂阿迷」、「好心收下把口啦，人哋球迷得罪咗你啲乜，最後你哋咪又係輸 亞軍奴」、「唔怪得阿記球迷咁Ｘ黑人憎，真係抵你地做一世二奶」、「點解你次次睇親都輸架」、「唔好意思！人哋扯白旗！你哋都入唔到波」。亦有球迷指「你依家真係扯曬白旗投降啦，呢個健絡通飛機杯都拎唔Ｘ到」，盧覓雪親自反擊「講得啱呀，留返俾啲熱狗（指熱刺球迷，含貶義）打Ｘ機」。到今午盧覓雪再鋪出她和余德丞、各着上阿仙奴及熱刺波衫的照片，表示「阿仙奴同熱刺係世仇，但我同Dickson從來冇仇，只有愛 #好多人誤會我 #其實係唔明白我啫」。
盧覓雪早前曾指姜濤智商有問題
有球迷指盧覓雪「經過姜B壇野都唔識收下把口」，盧覓雪早前在商台節目《在晴朗的一天出發》談及姜濤墮海事件，並說「智商有問題」，質疑對方睇日落之說，引起爭議及粉絲震怒。
相關閱讀：商台《在晴朗的一天出發》DJ蔓兒被炒與盧覓雪言論有關？開live回應揣測：大家都係被動嘅一方
