聲秀|劉浩龍出動「皇牌紅燈」搶人 泳兒點名讚17歲徐惠晴有music sense
發佈時間:19:30 2025-07-28 HKT

無綫(TVB)全新歌唱節目《聲秀》昨晚(27 日)播出第二集,亦是《聲秀》舞台正式展開的一集。六名導師泳兒、劉浩龍、譚耀文等人為搶人出盡法寶。
聲秀|「六燈選手」林潔心Bibi成搶手學員
昨晚最吸睛的是「六燈選手」林潔心(Bibi),六名導師當中,譚耀文及劉浩龍更出動「皇牌紅燈」搶人,結果由搶先一步的師兄勝出!Bibi 演唱泳兒的《溝渠暢泳》,高低音穩陣、感情豐富的同時,還唱出了別具魅力的迷幻感。撳紅燈的譚耀文坦言海選時已很欣賞 Bibi:「因為你好有爆發力,知道你再落去仲有好多好多變化可以畀大家睇到,我鍾意你唱歌嘅 tone。」同樣亮出紅燈的劉浩龍(師兄):「頭先佢一出嚟,一唱第一句,大家都…(邊說邊做出傾前動作),證明好入心,所以我要搶。」原唱泳兒亦大讚 Bibi,爭輸人的她更向師兄開玩笑:「你搞唔掂可以過嚟搵我。」
聲秀|吳浩康尋獲「失散兒子」
昨晚另一焦點,落在擁有磁性聲音、兼唱功別具感染力的林錦興(小林)身上。演唱《到此為止 》的他爆發力驚人,吳浩康甚至於小林只唱了兩句的時候,便亮出黃燈!對於很多人直指同任地盤工作的小林是「細 Deep」,吳浩康自己亦笑言:「直情係失散咗嘅仔。」並形容小林為一匹野馬:「我睇佢海選時,已畀佢唱歌嘅 energy 吸引咗,因為力量型嘅演唱我相信都會係(我)自己比較常用嘅方法。」眼見「兩父子」如此投契,同樣有撳燈的胡鴻鈞宣布放棄爭人:「我覺得好似阻住你咁。」
聲秀|泳兒讚徐惠晴:有好老嘅靈魂
同樣表現亮眼的,還有獻唱《為何他會離開你》的徐惠晴(Vanessa),由於表現稍有失準,徐惠晴唱畢後自責爆喊,但由於其感染力及唱功均相當不俗,故仍獲得三盞黃燈好成績!泳兒讚嘆:「原來你只得 17 歲,但已經有一個好老嘅靈魂,好有經歷咁,呢個係你嘅 music sense。」吳浩康則大讚徐惠晴演唱心態極好:「你令到我覺得我撳呢盞燈係冇錯,你會為你嘅演出而喊同失望,因為你着緊,你心態同質地都好好。」
聲秀|譚耀文賞識「顏值擔當」胡港豐 Andrew
至於被視為「顏值擔當」之一的胡港豐 Andrew,則因誠懇態度獲導師譚耀文賞識:「鍾意就鍾意,我覺得佢好誠懇。」阿譚更直指覺得 Andrew 可以有更多變化:「佢音域好闊,仲有好多 power 喺裏面。」本集跌入危險區的,分別是文雅姿 Xylia及陳芷晴 Isabelle,其中為追音樂夢自費去音樂學院學音樂的文雅姿,得悉要跌入危險區一刻相當自責,更邊喊邊跑往後台,獲導師鍾舒漫暖心衝入後台擁抱安慰,鍾舒漫更鼓勵文雅姿不要放棄:「Good job!你真係好有potential,唔好放棄。」