醬園弄．懸案丨葉念琛對陳可辛寧匿名拍戲感心寒 撰長文反擊：有冇諗盡一切辦法去生存
發佈時間：13:57 2025-07-27 HKT
由陳可辛執導、章子怡、楊冪、趙麗穎與及易烊千璽等主演的電影《醬園弄·懸案》於2025年7月17日在香港上映，電影改編自1945年上海「醬園弄殺夫碎屍案」，故事背景設於二戰末期、時局動盪的上海小巷「醬園弄」。章子怡飾演的主角 「詹周氏」自小命運坎坷，長大後嫁給酗酒、打妻、賭博和出軌的丈夫詹雲影。長期遭受家暴及侮辱，最終章子怡將丈夫殺害並肢解成16塊，被警方於現場拘捕。今次演出的演員位位都極具份量，陣容配搭話題度極高，但電影上映後，網上的評價兩極，票房表現更不似如期。
葉念琛斥陳可辛訪問充斥「拍完都唔知做咩」感
陳可辛日前接受谷德昭的訪問，片段在「安樂影片」的YouTube頻道上分開上、下集播出，導演葉念琛昨日（26日）在Threads開post，回應二人在訪問中的對話，他留言謂：「呢2日喺網上睇咗谷德昭同陳可辛嘅對談，睇完無限唏噓，因為節目入面，陳可辛都承認新作《醬園弄》唔work，本來宣傳電影忽然變咗係2個老人家緬懷過去﹑承認脫節嘅過程，成個訪問充斥住一份「拍完都唔知做咩」嘅無感。」
相關閱讀：梁朝偉難得撐場大讚陳可辛《醬園弄．懸案》︰期待下集 軒公祖兒結伴觀影感精彩震撼
谷德昭和陳可辛在節目上除了宣傳《醬園弄·懸案》外，在尾聲亦談到電影進了艱難時間，年輕人拍戲如何下去：「我作為一個樂觀嘅人， 我就覺得堅持拍你想拍，因為如果你跟住觀眾想睇乜嘢，你係唔會拍得好， 我哋應該點樣？因為我哋嘅壓力仲大，因為我哋有個名喺度，因為我唔係新導演，你而家畀我做個新導演，我仲free啲，我寧願做新導，而家我下部戲唔掛陳可辛個名，我平平哋拍，可能好過掛陳可辛個名。」陳可辛續說：「我就覺得如果真係鍾意拍電影，咪堅持拍你想拍，政府又有資助，而家呢5、6年政府資助能够令到香港拍到嘅題材，係我哋以前8、90年代冇可能拍到。我哋當時係冇可能做到作者導演，但係而家係有可能。我哋全部都係類型片，但係而家可以有咁多人做到作者導演，咁咪可以去做，將你最好嘅嘢做出嚟。」
葉念琛對陳可辛寧匿名拍戲感心寒
對於陳可辛的一番話，導演葉念琛在Threads開post直言稱心寒並說：「最心寒嘅位係，陳可辛居然話，如果我而家拍部戲，唔用自己個名，拍平啲，可能仲好過掛自己個名！他情願自己係新導演，可能仲易拍到戲。即係話，佢已經覺得自己呢個名字，喺今日市場變成負累。當你要靠觀眾體諒，靠大家讚你『有誠意』，咁其實已經唔係電影本身吸唔吸引，而係入咗情緒勒索個level。話要大家捧場，但又明知部戲其實觀眾唔會鍾意，咁仲要觀眾做咩？ 講咁多唔係為批評，只係慨嘆，當年嗰班真係代表香港電影嘅人，大家見識過亦佩服過佢哋係靠實力贏當年嘅市場，只係而家大家一直work嘅formula而家唔work。咁係咪代表港產片冇出路？我睇又唔係咁sad，新一代導演仍然有好多幾值得期待。 好似黃綺琳，冇老闆支持佢，拍《填詞L》就自資兩球幾就三球開拍，又做編劇又做導演，連歌都自己寫。因為佢唔係想完成工作，而係想成就作品。最後攞到幾個提名，獎都拎咗唔少。」
相關閱讀：葉念琛49歲生日獲富貴女星送LV！ 《美麗戰場》美女群星祝賀
葉念琛轟陳可辛「有冇諗盡一切辦法去生存」
葉念琛還說：「你話市場差我唔反對，但你有冇諗盡一切辦法去生存？觀眾其實一直都喺度，只係佢哋唔再等你準備好未！佢哋係等你做畀佢睇！ 香港電影有冇得救？當然有，但唔應該單單靠匿埋喺回憶或者圍爐嚟拯救，亦冇必要因為傳統投資者唔見咗就覺得冇出路，最後要生存，始終都係靠人用盡方法拍落去。」葉念琛的留言引來不少回應，有人說：「有作品可以欣賞，觀眾一定會捧場。」亦有人說：「陳可辛、谷德昭嘅唏噓，係因為佢哋見證過香港電影嘅輝煌，見證過一個時代嘅結束。但我相信，佢哋內心仲有火，只係需要新嘅方式去點燃。」
