聲秀丨《愛回家》男星以導師身份教新星 是新秀冠軍現做斜槓族打幾份工 胞妹是港隊代表
發佈時間：19:58 2025-07-21 HKT
TVB處境劇《愛‧回家之開心速遞》經常被指臥虎藏龍，不少演員背景都很猛料！昨晚（20日）播出的全新選秀節目《聲秀》，除了介紹25位潛力新星，亦訪問多位新秀出身的歌手，當中蘇永康、譚耀文、劉浩龍、吳浩康等更將成為導師，培訓新生代。而賽前準備方面，就有另一班導師負責教這25位新星，當中包括歌唱導師譚永浩，即《愛‧回家之開心速遞》中的「阿拾」。
譚永浩讚選手唱得很好
譚永浩在節目播出後，在IG發文大讚一眾選手的實力。他表示：「好開心亦好榮幸可以做到《聲秀》嘅賽前導師。老實講，收到呢個任務嘅時候，真係壓力山大。一個咁大型嘅比賽，海選咗25位參賽者出嚟，賽前學員們被分派到唔同導師備戰，大家都滿懷希望，追逐自己嘅音樂夢。第一次見面，第一堂嘅時候，我心裡面真係Wow咗出嚟，每一個都唱得好好！真係好好！而我嘅首要任務就係將佢哋有嘅嘢，再掘多啲出嚟，將佢哋有棱角嘅部份 磨返滑佢。但畢竟比賽係殘酷嘅，第一round就要foul 4個，我有啲咩可以幫到佢哋呢？可以點樣令佢哋有所提升呢？點樣令佢哋起碼過到第一關，入到隊先呢？要教一個學生去比賽仲緊張過自己參加比賽，多謝各位嘅信任，希望係有限時間裡面能夠令各位有所啟發大家加油啊！」
相關閱讀：聲秀丨參賽者身份大有來頭！澳洲《華姐》冠軍索爆獲蘇永康獻殷勤 視障女音樂家現身面試
《愛回家》譚永浩做《聲秀》導師？
譚永浩曾參加新秀
《愛‧回家之開心速遞》對譚永浩未必有很深印象，事關他的戲份不多，亦許久未見他出現於劇中，不過譚永浩仍是TVB藝員。譚永浩在劇中飾演「Ivan」鄧永健的堂細佬「陳立拾」，是一名隱蔽中年，依賴「Ivan」女友「May」趙希洛照顧，成為後來「May」與「Ivan」分手的導火綫之一。現實中譚永浩比「阿拾」活得積極，他早於2004年已拍過劇集《赤沙印記@四葉草2》展示入行決心，2010年參加《英皇新秀歌唱大賽》並奪得「金咪大獎」和「最受歡迎網上人氣獎」兩項殊榮，但後來歌手路發展平平，於是入讀無綫電視第26期藝員訓練班，已效力TVB 13年。
相關閱讀：43歲前《愛回家》性感女星公開超近鏡三點式照 晒3D身材抗颱風 網民不滿一物遮擋求原圖
聲秀丨25位新星逐個睇？
譚永浩近年成為歌唱老師
譚永浩現時除了是演員，間中拍劇演閒角，亦是一名歌唱老師，也有接演舞台劇，當中包括長壽舞台劇《我們的青春日誌》。譚永浩更因《我們的青春日誌》而與同劇演員兼網紅杜小喬擦出愛火成為情侶。譚永浩有一個妹妹，但妹妹譚芷澄的才華不是表演，而是運動。譚芷澄是香港輪滑代表隊運動員，曾多次於全國速度輪滑錦標賽攻入三甲。
相關閱讀：女神配對計劃丨《愛回家》GM曾展望與葉蒨文真撻着？打風無阻「拍拖」 甜爆睇戲斷正
