KellyChu - 逾百件首飾閃亮香港故宮博物館 莫臥兒王朝瑰寶與港人見面 | Executive日記
KellyChu
2025-08-07 02:00 HKT
字體大小
香港故宮文化博物館舉辦嘅特別展覽「莫臥兒王朝瑰寶」，昨日正式開放。是次展覽係故宮館同英國維多利亞與艾爾伯特博物館嘅首次合作，香港更加係全亞洲唯一一站，展期去到下年2月23日。展覽首次展示超過100件未曾於海外公開嘅珍稀瑰寶，包括各式各樣王室珍藏，機會千載難逢。
莫臥兒王朝聽落陌生，但你一定聽過被列入世界新七大奇蹟嘅泰姬陵，泰姬陵就係由莫臥兒王朝嘅沙賈汗皇帝下令修建，以紀念佢嘅摯愛—阿姬曼．芭奴皇后。Kelly一直想親訪泰姬陵，奈何未有機會，但總算可以到故宮館一探究竟，皆因一踏入展廳就可看見以泰姬陵為主題嘅數碼藝術裝置，當中亦穿插了沙賈汗和妻子嘅愛情故事。
莫臥兒王朝係16至17世紀最具影響力嘅王朝之一，由穆斯林統治並以波斯語為官方語言，全盛時期版圖覆蓋南亞大陸及阿富汗等地。是次過百件展品中，不乏巧奪天工嘅瑰寶，令人歎為觀止。當中紅寶石白玉吊墜同指環，採用南亞地區特有嘅昆丹鑲嵌工藝，即係以純金金箔鑲嵌表面同固定珠寶嘅製作手法，體現當時對寶石切割、寶石鑲嵌、金屬工藝等嘅高超技術。
仔細睇嘅話，你會發現展覽仲展出少部分中國珍品。故宮館聚焦莫臥兒宮廷同中國明清宮廷以及印度、歐洲等地嘅文化藝術交流。譬如中國嘅螺鈿平頭案同莫臥兒嘅螺鈿儲物箱雖然都屬於螺鈿工藝品，但手法大大不同。此外，乾隆帝都好鍾意莫臥兒嘅玉器，莫臥兒王朝用光滑軟潤嘅和田玉，雕工精細到連乾隆都要中國工匠仿製呢類玉器！
走之前記得透過互動裝置完成性格測驗，答5條問題就可以得到屬於你風格嘅莫臥兒精品卡片！估唔到西九策展力咁強，互動學習真係有驚喜。
KellyChu
戴勝鳥紅寶石白玉吊墜
最Hit
收掣不及︱秘魯情侶鬧大交 女方追攬男友齊墜樓1死1傷
2025-08-07 13:10 HKT
狄龍激罕談姜大衛不和恩怨 5字總結二人真實關係 「邵氏雙俠」一原因不相往來50年
2025-08-07 14:00 HKT
香港製TWEMCO跳字鐘被買到無貨？工廠宣布暫停直銷 1原因變香港人氣手信 全球賣出逾100萬個
2025-08-06 17:45 HKT
網民搭東鐵頭等遇職員查飛 直擊逾半卡車廂乘客逃票被帶走 港人：支持每班車都查飛
2025-08-07 13:06 HKT
拒絕東涌新公屋後二派彩虹邨 準戶主自爆極速編配時間 網民羡慕：上上籤｜Juicy叮
2025-08-07 11:18 HKT
更多文章
