星8卦丨「冻冻」为生活畀「书生」嫌弃遇「英俊」搭棚呃身家苦命女人

更新时间：11:00 2024-10-25 HKT
发布时间：11:00 2024-10-25 HKT

「冻冻」其实可以上岸，可惜成日储埋一笔就冤枉使咗，好似一家人都唔做嘢，连细佬妹生嘅仔女都希望家姐养埋。「冻冻」成世人最想系揾头好人家上岸，有个老公顶住屋企班废人。

好似同「书生」拍咗咁多年拖，对方啲大男人格局都好难顶，但「冻冻」都好似妹仔咁喺化妆间跟出跟入服事周到。「书生」曾经有一刻谂过娶佢，但知道咁多年「冻冻」都有卖身养家，因为自己未红畀唔到生活费。拖咗咁多年终于有次嘈交，「书生」坦白讲嫌佢污糟所以唔会畀佢有名份，「冻冻」终于清醒要为下半生谂桥。后嚟撞到「英俊」好似好劲，出入靓车住山顶，而且两个人好登对咁。

直到「冻冻」无防备咁听「英俊」话投一项必赢项目，结果唔够半年，「冻冻」已经唔见咗8位数字嘅老本。然后有相关部门嚟揾「冻冻」先知乜嘢靓车豪宅，都系租返嚟，呢位「英俊」喺第二个地方衰咗至嚟呢个地方继续呃人，「冻冻」咁啱想揾人锡，「英俊」𥄫中呢颗寂寞嘅心，于是搭个靓棚做出好戏，「冻冻」太想埋街食井水，结果人财两空，仲要惹上官非。落泊到要问「书生」借钱，念在一场相好，都拎咗 8位数帮佢过关，真系太多女人成日死系个情字手上，恨错难返。

其他文章：

星8卦丨「娇嗲」任性离婚挨穷重病前夫重情义照顾成为好朋友

星8卦丨「妈咪」命苦嫁错又嫁错靠「世家」包养生活无晒朋友

星8卦丨「气质」「混血」太穷被逼分开痴恋「专业」骗财骗色以为执到

星8卦丨「姐姐」一早食咗「俊俊」安排认爱形象正面长做长有

↓立即下载星岛头条App↓