学生哥呻爆读书惨过返工 竟钓出神级港妈乱入 留16字金句劝世惹热议｜Juicy叮
发布时间：16:00 2026-11-12 HKT
一位学生哥在网上发文申诉读书压力大，意外引发极大回响，这名学生楼主发帖大呻：「有冇人明学生有几辛苦？朝早六点几要起身，虽然三点几四点放学，但你放学之后又要做功课又有补习有时仲要有课外活动重迟啲先返到屋企。」他更直言大人返工好歹返屋企可以休息，但学生「返屋企又要温书温度十点几十一点几先瞓，每隔几个礼拜又quiz又test再唔系就考试，咁真系......」
「连休息少少都有罪恶感」
这番「学生辛酸泪」一出，引来逾四百名网民疯狂留言，瞬间演变成各方论战。不少「同路人」或刚刚毕业的过来人，对楼主的处境深表同情，有同为学生的网民感叹：「最攰唔系日日返学，系你好似永远都有下一样嘢等紧你。做完功课有补习，补完习要温书，考完试又准备下一个Quiz。连休息耐少少，都会有罪恶感。」
有已毕业多年的打工仔，更回首过去依然觉得读书才是人生阴影，一位打工仔坦言：「完全明做学生个种辛苦，我做咗社畜四五年都仲系觉得返学系恶梦，我放假就真系放假，但学生放假仲要做功课温书补习，到依家都唔明点解啲人话返工辛苦过返学。」另一位网民更指出两者最大分别：「返学无钱收返工有钱收，一个二个Ｘ样个个都话返工攰过返学，不如你出粮俾我返学我一定日日返！」
打工仔：「社会很残酷，欢迎来到恶梦开始」
不过，其他「打工仔」网民却对学生的抱怨显然不买账，纷纷开启「大人模式」进行无情鞭挞，警告学生「好戏在后头」：「等你出嚟社会先发现真正恶梦既开始，尽头系你死左先会到达。」
有网民亦列出成人世界的各项开销，向楼主高呼：「哇咁辛苦啊，咁快啲出嚟投身社会做个自由快乐嘅成年人喇，交税交租交电话费网费水费煤气费保费......自己煮可以买埋餸，有买楼又可以自己供......不知爽过做学生几多，社会见。」
另有打工仔直指，返工的压力是涉及生存问题：「返学唔会俾人投诉到无书读，返工可以俾人投诉到无工开。」、「返工何尝唔辛苦？到你出嚟做野每日对住啲Ｘ街老细，成日OT又要做埋啲湿胶project，再加埋要养家各项经济负担，再作个比较吧。」
「每日loop，遗憾终身」家长网民乱入 16字金句最吸睛
在这场「返工 vs 读书」的争论中，最瞩目的莫过于其后加入的「家长组」网民，一众为人父母的网民表示，无论是读书还是返工，在「父母」这个24/7的终极角色面前，通通只是小儿科。
一位妈妈网民分享了她犹如特种部队的疯狂日程：「我做老母，5：45起身准备早餐，6点几铲细路起身，食早餐送返学，8：30返到公司，6：00收工，又返去整顿细路，仲有煮饭做家务，啲哂细路10点训，仲洗紧衫，执紧野，坐一阵，11、12点先训，每日loop。」 她更幽默地留下一句16字惊世警言劝世：「单身一世，幸福一身，一时之快，遗憾终身呀。」
另一位妈妈也附和道：「我做老母仲辛苦！要早过我仔起身......夜晚又煮饭，之后hea到一个钟，再催佢10点左右要瞓！每日我只瞓5-6个钟！全部家务系我做！日抖无瞓架！」有网民更直接改编楼主的帖文，反讽道：「有冇人明做父母有几辛苦......成日喺屋企唔出得街free......每隔几个礼拜又家家长会又睇功课再唔系就见老师，真系生旧叉烧好过生仔......」
网民：人生每个阶段各有难处
这场论战至今仍未平息，有理性网民坦言其实人生各个阶段都有难处：「番工同读书都唔辛苦，最辛苦系做父母，因为需要一次过承受晒全部角色+247全天候。」
来源：Threads
延伸阅读：公屋名校生怨老窦月入三万无上进心 大叹投错胎掀论战：唔争气先怨父母？
