大埔宏福苑五级火｜物理治疗助理失业4月力撑女友捐款：$300死悭我哋食足一星期｜Juicy叮

更新时间：16:00 2025-12-01 HKT
发布时间：16:00 2025-12-01 HKT

大埔宏福苑五级火烧毁不少人的家园，四方伸出援手，有人捐出生活最后的裕余，盼望灾民在陌生的炉灶重新升起炊烟的艰难路上，能尽绵力地助上一把，并种下善心的种子。

捐款随缘乐助，多多益善，少少无拘。有失业4个月的物理治疗助理自爆，大力支持女朋友捐款，虽然「$300死悭我哋食足一星期」。有回应的网民看得眼湿湿，有人指「你哋嘅$300更宝贵」，并认为「将自己仅有嘅都捐出帮更有需要嘅人，福报系好大嘅」，预祝楼主「好快会揾到工」。详情见下图及下文：

物理治疗助理失业4月力撑女友捐款：$300死悭我哋食足一星期逐张睇↓↓↓↓

楼主：女友捐咗$300俾灾民

楼主日前在社交平台Threads以「捐款」为题发帖，指「失业咗就嚟4个月，生活悭得就悭，唔肚饿就食少一餐。突然女朋友话对唔住，做咗件事怕我会嬲。我问佢咩事，佢话用咗$300捐俾宏福苑嘅灾民。我话，点解要嬲？佢即刻笑返😚（$300死悭我哋可以食足一星期）。我宁可花钱落一个心地善良嘅妳身上，信自己，揾到工，最多现在一齐食包❤️」。

在网民的追问下——「你做边行？写出嚟睇下会唔会有真香港人嘅老板咁啱要请人」、「师兄做边行呀，可以有需要可以介绍下俾你」、「需要揾咩工？散工日薪做住先得唔得？」。

楼主失业前任职物理治疗助理

楼主透露自己「之前做咗4年全职物理治疗助理，现在读书增值中」，但由于「课程限制未能炒散」，因此目前仍处于失业状态，但他对未来充满希望，表示「多谢你，努力中，现在读紧书，希望之后有出路」。

网民为楼主及其女友的善举感到动容，纷送上祝福。不少网民鼓励楼主「加油！一定会有好消息，因为好人一定会有好报」、「好人一定揾到好工！」，并祝福他们「你哋嘅$300更宝贵，祝楼主好快揾到工，两位幸福快乐。

网民赞楼主女友：好女仔

对于楼主的女友，网民们更是赞不绝口，称赞她「心地善良」、「好女仔」，更有人直言「娶得！结婚揾我，送花球俾你哋！」，并建议楼主「要好好珍惜佢，佢系一个好女仔嚟」、「要珍惜呢个咁好嘅女朋友，用一生去守护佢」、「有同理心嘅人，可过世🙂‍↕️🙂‍↕️🙂‍↕️」。

除了打气和祝福，许多网民也分享了自己或身边人面对困境仍乐于助人的经历。有网民表示：「将自己仅有嘅都捐出帮更有需要嘅人，福报系好大嘅，师兄好快会揾到工，加油」。

网民睇到眼湿湿

亦有网民分享：「睇到眼湿湿是否正常，师兄一定好快可以揾到工」。不少人强调「好感动，真男人呀兄弟！！！希望你极速揾到工，最后同呢个人美心善嘅女生结婚，幸福一世！！！👍🏼」。

更有网民指出：「只要有一颗善心，那怕捐一蚊，都可以帮助别人，香港地每人捐一蚊都有700万啦，系咪🙏祝你早日揾到工作，善有善报。」

网民：我都失业咗半年也捐咗钱

在分享自身善行的网民中，有人提到：「我都失业咗半年，但都捐咗钱，尽少少绵力🙏🏻」。甚至有网民背负巨款，仍选择捐款：「我都欠了巨款，虽然捐咗几百，代表大家一齐分享爱，你一定可以揾到工作」。

一位在屯门从事饮食业的网民则表示，在试工拿到300元后，便将其捐出，并透露自己「哩几日无一晚瞓得好」，即使自己吸烟，也决定「会整息晒dum（掉）落垃圾桶，我情愿食少几包烟将啲钱去损咗去」。

另一位网民提到，虽然老公并非失业，但因月头去了旅行加上女儿保险费未交，「两个月都手头过得好紧」，但他们仍「都捐咗好少少少少钱」，并鼓励楼主「信自己，揾到工」。

还有「悭食」同路人称「我都系😭😭出街食个饭我都谂过度过，谂完都系屋企自己煮个面，但捐钱唔谂喇，尽做，最紧要钱去到有需要嘅人度，共勉之」，楼主则回应：「我都系咁话，反而我多谢另一半帮我决定呢一步」。

楼主：食多几餐蒸蛋捞饭

另一位有工作的网民也感同身受：「好有爱🥰我自己同你一样都系食嘢好悭嘅人，虽然我系有工返，但我有好沉重嘅开支。我同你女朋友一样，不假思索去咗捐款，$1000我都唔舍得使喺自己身上，但我愿意使喺重要嘅人，甚至素未谋面有迫切需要帮助嘅大埔灾民。我相信个天一定会眷顾你，好快就会揾到工💪」，楼主对此亦回应：「我都系咁话，最多咪日日食多几餐蒸蛋捞饭」。

还有人好奇「$300点样一星期最多日日2送饭」，楼主慷慨回应，称「唔系讲笑，好多餐都系蒸水蛋，有时就粟米，蕃茄炒强，炒生菜，炒豆角，呢几类真系好平」。

有网民总结：「睇咗好多留言，身同感受，好明白大家都生活艰难，我都有略尽绵力，捐钱不会计较多少，只要有心大家一齐支持有需要帮助嘅人，共渡难关，一齐加油💪」。

更有热心网民主动向楼主提出：「想请你哋食饭」、「你唔介意的话，揾日叫埋你女朋友一齐食饭，小弟一餐半餐平平地冇问题👍🏽」。

资料来源：davis_ind＠Threads

相关热话：

大埔宏福苑五级火｜搭港铁睇大火新闻廿岁仔流下男儿热泪网民同悲：哭，不代表软弱

大埔宏福苑五级火｜接载4长者到沙田暂住灾民落车前：我哋依家乜都无晒啦司机心酸不懂回应

大埔宏福苑五级火｜屯门马路现「催泪」车尾！巴基斯坦司机贴两张暖心告示后车车主：第一次揸车眼湿湿

大埔宏福苑五级火｜地盘出最辣禁烟令！不止罚款捉到即时赶出门网民：一早就应该

大埔宏福苑五级火｜街头路人近日多穿素色衫市民心水清发现网民感动：香港人默契

大埔宏福苑五级火｜困浓烟密布单位不离不弃印佣守护婆婆拍片求救网民：好心痛

大埔宏福苑五级火｜港铁女乘客为巨灾落泪获好心人递纸巾安慰对望之间一切尽在不言中