买大闸蟹酿骂战！蟹乸当蟹公送错货食客致电投诉反被「辱骂长达3分钟」店家发文公审网民唔撑：串过码头咕喱

更新时间：16:40 2025-10-15 HKT
发布时间：16:40 2025-10-15 HKT

踏入大闸蟹季，不少人都会订购大闸蟹享用，不过最近就有食客买大闸蟹却与店家酿成骂战，有网民近日于某专门店订购大闸蟹，却因收到「蟹公」而非订购的「蟹乸」，致电查询反遭店家「辱骂长达3分钟」，店家事后亦发文公审该名顾客，指责对方「咄咄逼人」，不过网民却唔撑，直指店家：「串过码头咕喱！」

买大闸蟹酿骂战！蟹乸当蟹公送错货食客致电投诉反被「辱骂长达3分钟」

事缘有网民于Threads发文，指最近于某专门店订购「4両半蟹乸」，最后却收到「6両蟹公」，由于两者价钱及口感有别，食客心急查询，但是店家客服「不断Online又Offline」，未有即时回复，于是致电联系。据事主描述，店家接听电话时态度不佳，称「好忙好多嘢做」，并指责食客「态度唔好chur住佢」，事主无奈只好「覆咗一句好等佢覆」遂决定传讯息反映问题，不料店家随即来电，展开「长达3分钟嘅辱骂」，内容围绕事主态度问题：「（佢）一直喺度闹我，不断诬蔑我话我迫癫佢」、「佢唔认为自己态度唔好。跟住佢开始非常激动，我都一直劝佢冷静」。店家更表示「我只系打工仔我唔做啦」后挂断电话。

店家发文反击：服务唔起你呢啲「心急人上」！

事主其后在网上公开事件，指希望获店家就自己出错货及态度恶劣道歉，指「客人唔系大晒，但系你卖家都唔系大晒，唔系你辛苦就可以对住人哋乱发脾气。」

店家事后却发文公审，表示「就算同事真系执错嘢，我哋都未睇到WhatsApp你就已经即刻打电话嚟，同你讲忙紧，转头帮你搞都要咄咄逼人。」又指责事主：「咁点解你攞𠮶阵唔check？咁点解你食到一半先至讲？你都食到一半都唔争在等多一阵等同事覆你啦，系咪要下下都要逼人哋9秒9仲要秒速跪低道歉𠮶只？」并强调已经全数退款，反击「唔啱嘅下次唔好再食，去食第二间」、「服务唔起你呢啲『心急人上』！」亦于事主帖文留言表示：「由头到尾我都讲冇闹过佢」、「忙紧，系几分钟时间内未睇到佢WhatsApp，已经打电话嚟chur。」

网民唔撑：串过码头咕喱

事件引起网上热议，有网民表示不支持店家：「明明自己做错仲可以咁抢口嘅铺头真系好少见，香港啲老细真系生意好到唔忧做」、「铺头串过码头咕喱，唔知系咪有专人负责閙客。」亦有人表示光顾同一间店舖时有类似遭遇：「呢间态度系好差真系帮衬过一次都怕上年订大闸蟹（代客蒸熟）佢送货时段7-9pm 订之前问佢会唔会好夜先到，因为饭局7点开始，佢仲话唔会好夜同事都想早收工，观塘送康城我估半粒钟都到，当晚8点未到开始追，佢不停答「差唔多到」最后8点半到，交谈过程极不友善。呢间一定blacklist」、「之前叫过一次其中有一只系坏嘅，点解会知佢系坏我谂系因为放完入口只蟹系臭酸味啦，同佢反映返又话要收返检查又拍片，再唔系又话冇绳/唔系即时同佢讲，差果几十蚊要呃你钱咩？最后都废事执著果少少钱当买个教训唔好再订呢间野就算。大闸蟹季，大家睇路啦。」

不过亦有网民认为事主都有问题：「个客就嬲猪猪到失去理性，买嘢货不对办，全数退钱已经可以close file，但又唔知为乜，争啖气啩」、「有少少觉得一个巴掌拍不响，楼主打过去都唔知讲咗啲乜，冇讲粗口唔代表态度冇西。」

来源：Threads