KellyChu - 罗淑佩分享生活轶事 公屋成长助力工作 | Executive日记
KellyChu
2024-10-14 02:00 HKT
字体大小
因打击滥用公屋被网民赞「做到嘢」嘅人气署长罗淑佩，昨日上电台节目分享生活轶事。佢提到爸爸系一位的士司机，以及自幼喺公屋成长嘅背景，对曾担任运输署署长和现时成为房屋署署长都带嚟帮助。
罗淑佩忆道，自细已体会到的士行业嘅辛酸，每年大年初一都唔会见到爸爸，因为爸爸去咗赚钱，要到年初六或初七先有得去爷爷度拜年，但大个咗知道揸的士系一份唔容易嘅工作，作为被呢个行业养大嘅人，其实系更希望去改善不足。
罗淑佩3岁起同爸爸妈妈搬入已拆卸重建嘅石荫邨，一住就系廿几年。佢话当年一位好朋友住另一座，大家屋企可以对望，见佢屋企熄咗灯就唔会打电话过去，咁样嘅相处好亲切。入政府工作后，罗淑佩有幸被送到美国史丹福大学进修，形容该段经验令自己对自己更加有信心，就算公屋成长亦不会比别人差。
作为「Hellosss」，罗淑佩表示欣赏Ian嘅才华，坦言唔明点解有喜欢嘅偶像就变咗「追星」，去到呢个年纪都可以做自己钟意做嘅事。佢亦自爆有新偶像，国家队访港期间有同马龙握手影相，好开心。
KellyChu
最Hit
更多文章
