【阿碌开咪】张建宗也是「彼得」
《名家合集》收录名人文章，分享观点，探讨时事。
2020-12-25 08:45 HKT
字体大小
一石激起几重（冇千重咁夸张）浪。周初本栏的《最受/不受欢迎上司》，指出林郑中正「彼得原理」，升到一个无法胜任位置，再加客观形势恶劣，结果闹出「管治悲剧」，民望插到历史纪录，接近一半市民畀佢零分，如今「彼此也在挨」。
「挨」到几时？冇人知，总之愈短愈好啦！
篇文章在政府高层火速传阅，不但现职公务员有兴趣，连退休高官亦深有同感。
前顶级高官「劲人S」（当然假名）来电：「碌Sir，你真系一矢中的。其实边止林郑吖，连政务司司长张建宗，也是百分百『彼得』。资深公务员，尤其首长级的，边个会唔知Matthew有几多料吖，本来做个部门署长已几尽，结果都唔知边个嘅错，升下升下，升到做政务司司长。其实佢未上任，成棚旧同袍都知必大镬！Matthew点顶到个位的要求，更弊，又系众所周知，林郑根本唔妥佢。喂，两个香港手握最高权力者皆中晒『彼得原理』，更未能一条心，搞到个局散晒，是正常，非反常呀！」
不少市民可能不太清楚特首与政务司司长的分工，其实政务司司长非常大权，理论上，所有出政府粮的（不包括律政司司长、财政司司长及法院法官），即所有公职人员，皆佢下属，有需要时，可以按情况作部署。
政府对抗疫情等于打仗，人人理解。咁边个应该系总司令？当然是政务司司长，因佢有成二十万大军可以调动！
但搞到今时今日，大家可有见到张司长有履行权力及责任，进入角色？完全冇！
究竟系特首做咗佢𠮶份，定系张建宗施展最拿手的「泥鳅功」（你懂吗？）呢？官场人个个心知肚明，总之就是同声一叹，望今届政府早日收工，因已经「冇得搞」！
呢点，现/前任高官皆知，「阿爷」又岂会唔知？究竟接下来可有「果断安排」，或任得佢「磨烂席」式拖个天长地久呢？香港人冇权，只得个睇字！
曾智华
阿碌开咪
政务司司长张建宗。资料图片
更多文章
