蔡天凤碎尸案｜邝港杰重返龙尾村屋见染血电锯 猜测「Abby个尸体有某部分应该被肢解咗」
发布时间：17:32 2026-11-12 HKT
28岁名媛蔡天凤（Abby Choi）2023年2月疑遭杀害后肢解烹尸，蔡天凤前夫邝港智、前家翁邝球、前夫兄长邝港杰否认谋杀罪。案件踏入第36日审讯，邝港杰供称案发当晚偕父回到龙尾村村屋，房内「我见到地下有1块草草摆喺度嘅帆布，帆布上面有个帐篷，然后有个胶箱喺地下⋯⋯我见到、我见到有个被铺包住嘅物体，其中一端有啲血渗出来，帆布地下见到1个⋯⋯锯木嘅电锯」，「个刀片上面有少少血」，因而猜测「我认为Abby个尸体有某部分应该被肢解咗」。
重回龙尾村村屋问父亲有否报警
邝港杰供称案发当晚在荃湾泊下车后，收到邝球来电，对方问及其所在，又问「细佬点样样呀？」邝港杰交代行踪后，邝球要求邝港杰到大埔市区某茶餐厅会面，邝港杰因为精神状态差又感到疲累，遂乘的士赴约。
2人晚上10时许回到龙尾村村屋，当时邝港杰手持背囊。邝港杰忆述进入村屋后，蔡天凤尸首胶箱「见唔到喺原位」，2间房间房门1开1关，「我问爸爸谂住点样处理呢件事、有冇报警之类？爸爸冇回答我⋯⋯佢随即就开咗道门」。
邝港杰回想当时「望到入面，我见到地下有1块草草摆喺度嘅帆布，帆布上面有个帐篷，帐篷系打开㗎，然后有个胶箱喺地下，个胶箱有个盖冚埋，个箱入面系透明㗎嘛，我见到、我见到有个被铺包住嘅物体，其中一端有啲血渗出来，帆布地下见到1个⋯⋯锯木嘅电锯」。邝港杰记得帐篷「系我自己喺上年嘅夏天买来摆咗喺荃湾屋企」，其后置诸不理。
看到电锯刀片染血猜测蔡天凤已被分尸
邝港杰忆述，他不但在睡房内的电锯上发现「𠮶刀片上面有少少血」，更见到胶箱内装著的「被铺嘅一段有血」，描述「张被铺系渗咗好多血」，
因而猜测「Abby个尸体有某部分应该被肢解咗」，他直言「我望到𠮶时都惊讶啦自己」，因此没有向邝球问发生什么事「我唔知可以同佢讲啲咩问题」，更指「我𠮶刻无做任何嘢」。
邝港杰透露，他另发现睡房的地上铺满蓝白间条的帆布，惟「喺𠮶日之前无见过，我系𠮶刻先第一次见过呢𠮶帆布」，亦不知邝球什么时候购入帆布。庭上展示案发房间的照片，显示睡房的墙上亦铺满帆布。邝港杰直言「系我黐㗎」，当时「爸爸拖咗个胶箱出𠮶厅到，𠮶时嘅帆布系好roughly咁铺，然后爸爸叫我铺好啲，叫我用胶纸黐好佢，然后我就黐啦」。邝港杰形容「我𠮶刻无思考咁多，思考唔到咁多嘢，因为我见到𠮶个画面我已经好震撼」，好似「Blank Out（空白）咗」。
相关新闻：指蔡遇袭后披头散发瘫卧车上 邝港杰称：我至少应报警或call白车
相关新闻：邝球以薄被将蔡天凤包裹放胶箱 指示邝港杰搬入屋
相关新闻：邝球劝两子尽快离开由其处理 两兄弟清理车厢 将蔡鞋、袋带入屋
相关新闻：邝港杰称事后：呃自己件事冇发生过 警方寻获残肢才「开始喊出来」
邝港杰、邝球、邝港智同被控1项谋杀罪及1项阻止合法埋葬尸体罪。控罪指3人于2023年2月21日，在大埔汀角路龙尾村56B村屋地下内谋杀女子蔡天凤，并在2023年2月21日至23日期间，于同地阻止合法埋葬蔡天凤的尸体。三人否认谋杀罪，但承认阻止合法埋葬尸体罪。
本案以英语进行，由暂委法官祁彦辉（Brian Keith）审理，控方由外聘资深大律师郭莎乐（Charlotte Draycott）、高级助理刑事检控专员梁育珩、高级检控官林晓敏及吴希乐、检控官尹培轩代表，邝港杰由大律师Trevor Beel代表，邝球由大律师戴伟奥(Oliver Davies)代表，邝港智由大律师安华晖(Andrew Raffell) 代表。
案件编号：HCCC198/2025
法庭记者：陈子豪 黄巧儿
