出道一年获广告客户喜爱「Baby师妹」Mandy：喜欢做同演艺有关嘅工作

更新时间：18:05 2021-07-16 HKT
发布时间：20:15 2021-07-16 HKT

Mandy今日获邀出席品牌活动。

有「港版朴敏英」之称的谭旻萱（Mandy）早前加盟Cool Style旗下成为小师妹，入行短短1年多已经获得大量广告客户垂青，成功攻陷网民的心，IG的followers急升。师姐Angelababy是法国时装品牌大使，最近Mandy也同样受加持，昨日获邀到中环期间限定店担任嘉宾。

Mandy应摄影师要求趴在地上摆pose拍照，任影唔嬲。

Mandy感恩接拍了Edan的MV而被人认出。

对于获得广告客尸的厚爱，可能与率真有礼的讨好性格有关，Mandy说：「我性格好钟意对人，入行后都适应得几快，我钟意呢行有唔同种类嘅人，大家嘅故事都唔同，好有趣。」知名度日增，Mandy谓感恩接拍了Edan的MV，现时在街头也经常被人认出，她笑说：「Edan有一定知名度，畀机会我拍到呢个MV，大家会识埋我，好感恩有呢个机会，近排喺街都有人认得。」她续说：「我入行冇几耐，我求嘅唔系attention，我系想识多啲、见多啲，屋企人畀我自由地做自己想做嘅嘢，我宁愿见多啲个世界多过买楼，虽然买楼都想嘅，呢个系理想生活，不过要慢慢嚟。」

性格直率的Mandy还说：「其实我钟意拍MV多啲，广告要嘅系简单靓就得，冇咩故事，冇咩需要发挥，边个角度靓，点样带出品牌独特嘅地方，我大概掌握到，所以我都系喜欢做同演艺有关嘅工作，我会喺生活上扮吓呢样扮吓𠮶样，扮黑社会，我会更加有兴趣。」