鲠骨冲急症室求救 医生照X光「钓鱼骨」得个桔 护士阴阴笑：原来鲠呢种鱼骨｜Juicy叮
发布时间：16:00 2025-11-02 HKT
有市民鲠骨后到急症室求救，医生替病人「钓鱼骨」兼照X光检查，忙来忙去结果却得个桔。有护士爆料指，原来累病人鲠骨的是一种特别的鱼。有网民则好心提醒饮食时小心鲠骨，因情况可大可小兼辛苦。详情见下图及下文：
鲠骨冲急症室求救 医生照X光「钓鱼骨」得个桔 护士阴阴笑逐张睇↓↓↓↓
鱼骨钓唔到亦照唔到
facebook「急症室日务」前日（10月31日）上载相片发帖，讲述一则急症室的「钓鱼骨」故事——「做咗几十年护士，第一次见人食『鱼』鲠鱼骨，要嚟急症室『钓鱼骨』。
医生原来又无食过呢种『鱼』。结果医生好努力、在意，帮病人『钓鱼骨』。仲要照埋X光。差点仲要去做埋内窥镜。最后，鱼骨钓唔到。
鱼骨亦照唔到。」
不过成班护士听到整个过程，细细声系度🤣🤣🤣🤣🤣🤣。🤨🤨你估下佢硬咗咩鱼鱼骨？见到（附图）答案吗！」
网民：食白饭鱼插咗条骨喺喉咙椗
虽然有网民质疑「白反鱼应该冇骨㗎」、「白饭鱼有骨可以啃㗎咩？」、「唔通系King size（特大）白饭鱼？」、「白饭鱼，啲骨好细，佢成条鲠？」。但有网民指「我上个月系食白饭鱼插咗条骨喺喉咙椗」。网上资料指白饭鱼的骨头幼且柔软，通常可以连骨一起食用。
相关阅读：太古城食放题鱼藏大堆虫「面条咁长」 埋单仍收$700 侍应咁回应震惊网民
网民分享鲠鱼骨惨痛经历
另有不少网民分享鲠鱼骨的惨痛经历：
•我女试过鲠鱼骨入急症室真系要照埋内窥镜；
•我试过食鲮鱼肉酿青椒，要到医院急症室钳返条鱼骨丝；
•试过鲠红衫鱼骨去咗急症夹唔到，要第二日照胃镜再夹返出嚟；
•我食鱼片粥条刺入咗牙肉，自己对镜搞咗大半小时，从此不吃鱼片；
•我仔细个食鳗鱼寿司🍣喉咙插鳗鱼骨😔要去急症室由医生夹返出嚟；
•我试过食红烧鱼柳零食鲠鱼骨，睇急症，医生帮我喺喉咙喷麻醉药后钳返出嚟；
•我鲠过。好辛苦。因为如喉咙肿胀会阻塞气管。要照X光，医生收入院，照胃镜；
•我细个时都试过，不过我𠮶嚿系鲮鱼肉酿豆腐，入急症室搞咗好耐先整到，喊到癫咗；
•我妈咪都试过呀！（𠮶次食鲩鱼腩）急症室医生见到钓唔到...要上外科病房用镜钳啰；
•鲩鱼骨，试过咁样入急症，医生试咗好多次都整唔到，话试埋最后一次再唔得，就要用胃镜 。好彩整到；
•我细个食酿鲮鱼都因为鲠骨睇急症，照X ray（X光）又真系照到，后尾医生帮我用手术钳，钳返条三叉骨出嚟；
•我试过食酸菜鱼，搞到要入急症室，当时以为自己会死，好彩急症室个医生巧妙地用支针筒个针头帮我挑返条鱼骨出嚟；
•黄立䲝半年内分别两位家人要去急症搞，整到真系唔好拖，屋企老人家拮咗牙肉几天先讲，系急症室医生话仲咩拖都面肿先去睇，要转院入院睇牙科好似住咗3至4日先可以出院；
•我真系试过食阿妈整的鲮鱼球，食完条鱼骨黐咗喺个喉咙度，无论之后饮水，食面包食饭都冲唔到佢走，之后真系要去急症室，医生要用开口器同钳钳返佢出来...搞到我以后都唔敢食鲮鱼球...
资料来源：急症室日务＠facebook
相关阅读：买鱼送「刀片」鱼头被𠝹一手血 网民：个鱼头好有生命力↓↓↓↓
有网民在鱼档买了片鲛鱼，鱼贩赠送一块鱼头，谁料因福得祸，鱼头竟如刀片，事主用手一洗即刻被𠝹，血流如注。事主在社交平台发帖公开事件，引起网民关注热议，详情如下↓↓↓↓
