草蜢重启巡回演唱会 蔡一杰手术后状态大勇：同以前冇乜分别
发布时间：15:45 2025-10-29 HKT
草蜢巡回演唱会「RE:GRASSHOPPER」重新启动，日前于新加坡圣淘沙举行，亦是蔡一杰（杰少）接受脑部手术后强势回归巡唱舞台，他状态大勇在台上劲歌热舞，感激观众的等待和支持：「好耐冇见！我话我会迅速好返，然后再踏上舞台，今晚就系我哋嘅Party Night！」
杰少以平常心面对
3子以连串快歌为演唱会揭开序幕，一口气跳唱《好戏在后头》、《华丽舞台》、《三分钟放踪》、《红唇的吻》、《今晚停了电》、《失恋》和《ABC》，观众亮起手上灯棒又唱又跳，气氛高涨，蔡一智（阿智）高呼：「今日系蔡一杰强势回归舞台嘅日子，大家同我哋一齐Party庆祝！再返嚟非常之唔容易，你哋第一时间买飞，真系抵锡！」时隔1年重返巡唱舞台，杰少表示以平常心面对：「我觉得非常从容，可能有朋友会担心我上返舞台嘅情况，但我可以同大家讲，同以前冇乜分别，大家唔使担心我，今晚玩得非常开心。」苏志威（苏老板）被歌迷的热情感动大叫好玩。
悼念已故战友
今次草蜢特别献唱《You’ve Got a Friend》，悼念已故战友发型师Jacky Ma，阿智说：「以往每次嚟新加坡开骚，Jacky都会同我哋一齐，咁啱今日系佢生日，所以特别拣咗一首佢钟意嘅歌。」大萤幕上播出多张草蜢与Jacky的合照，3子于彩排期间看到片段时一度感触落泪，杰少说：「我忍唔住流眼泪，好挂住Jacky Ma。彩排时就睇晒所有相喊咗佢先，正式开骚时就点都唔望后面，因为一喊就唱唔到歌。谂返起世界各地大小嘅演唱会，佢都系同我哋一齐，好怀念呢位好朋友。」苏老板和阿智同样担心喊会影响演出，所以正式开骚时不敢看大萤幕。阿智坦言：「今晚好特别、好温暖，多谢我哋嘅战友、多谢新加坡嘅观众朋友。」
拉大队食宵夜
此外，草蜢今次更趁演出空档、拉大队到当地非常出名的大排档食宵夜，杰少想起第一次跟师傅梅艳芳出埠演出的回忆：「第一次出埠就系嚟新加坡，我有成30年冇去过𠮶个大排档，见返好多新加坡嘅好朋友，个个都好似街坊咁好热情咁同我哋影相。」阿智还透露一落机就收到歌迷送上的榴莲蛋糕、斑兰蛋糕等新加坡名物，3子感激大家的支持，约定明年4月香港红馆见。
