滕丽名老公朱建昆被轰无良上司逼员工OT？ 阿滕回应护夫：冇人辞职 疑似下属踢爆讲大话
发布时间：21:20 2025-10-03 HKT
滕丽名早于2013年6月接受圈外男友朱建昆（Matthew）求婚，滕丽名与朱建昆在2013年12月7日正式结束爱情长跑，于泰国苏梅岛沙滩上举行婚礼成为夫妇。滕丽名老公朱建昆任职日资公司香港总监，近日有一名网民自称是朱建昆下属，并以匿名身份点名狂轰朱建昆「无良」管理，称朱要员工日间工作夜晚training，变相逼人OT。
网民点名闹：呢份工我唔做就梗！
近日有网民以网名「i_hate_ot」在Threads发文说：「Canon香港总监朱建昆（Matthew Chu），滕丽名老公。Canon本身返工时间已经够早，要8:30打卡。你以为够早可以准时收工？ 朱生话唔想「浪费」员工日间工作时间，搞咗晚间 收工后training，必须出席。明逼你OT，仲要无补水。training完之后佢仲话：「日后会再加多啲夜晚training」，仲话要发问卷问大家有冇人「真系」唔钟意夜晚training。要人打份写字楼工射足12码。Canon文化培养社畜。你哋嘅「唔浪费时间」，根本系浪费紧员工嘅生活、健康、家庭。打工唔系卖命呀！呢份工我唔做就梗架啦，但唔做都要揭露你地系点压榨员工。」
相关阅读：47岁滕丽名罕放闪贺锡婚 老公豪送近4万靓酒被逼假笑留影：希望顶到多20年
帖文一夜狂吸1.5k次赞好
这则帖文在昨晚刊出后，一夜间狂吸1.5k次赞好，至截稿前获得43次转发，138则留言回应，现时已于网上疯传。楼主更留言区tag该家日资公司，并说：「逼人做问卷交功课无意思，个问卷仲要记名，出嚟睇吓真实回应啦。」不少网民都留言支持该名发帖网民，有人留言说：「员工唔可以爱回家，得佢老婆可以爱回家...」、「training无钱去劳工处啦」、「你个post帮到好多求职者避雷」，更有网民留言tag滕丽名说：「我谂佢老公唔会玩threads，姐系佢唔会睇到，所以你要@sheepyjoycetang俾佢哋正视吓呢个问题，To滕丽名：我知道老公嘅公司问题应该都唔关老婆事，不过可以嘅话唔该俾你老公睇睇佢做嘅＂德政＂嘅真正回应。」
相关阅读：滕丽名激罕放闪！揸保时捷送老公机「不顾一切」 车上一物揭是名牌爱好者
滕丽名感情生活：
滕丽名：冇人辞职㖞
据了解，滕丽名老公朱建昆任职于日资公司担任香港总监，事件由昨晚在网上疯传起来，直至今晚（3日）有传媒就此事向滕丽名查询，她随后代老公朱建昆回应，表示自己身在内地，但已向老公了解事件始末。她引述朱建昆的说法，指出相关培训于昨晚（2日）进行，并表示自己很关心同事的心情和感受。滕丽名在回应中特别提到：「我问朱生今日有冇人辞职？但今日又冇人辞职㖞！」
滕丽名指老公「七点几」收工过节
滕丽名同时透露，老公朱建昆昨晚完成培训后，仍能赶及与家人提早共度中秋节。她表示：「寻晚朱生同佢哋一齐做完training，跟住就同屋企人做节。怪唔之得成『七点几』先嚟到，好彩仲赶得切睇《爱‧回家》。」但未有透露朱建昆的下属是否与上司同时间下班。
爆料网民再发文斥滕丽名夫妇说谎
不过滕丽名刚回复完传媒，爆料网民再度发文斥滕丽名夫妇说谎，他在threads公开声称是公司的内部电邮，表示：「讲大话唔眨眼，公开埋公司发出既电邮。朝早8：30返到夜晚20：00。讲明compulsory无得早走。朱生发表完佢既伟论已经19：00几，其他人仲未走得，佢坐火箭去食饭？仲要人继续留系度自己就早走去食饭？」再度引发网民热议。
