女神配对计划丨GM曾展望首揭对叶蒨文「触电」一刻：嗒晒糖唔想睇女神被追走

更新时间：23:00 2025-08-02 HKT
发布时间：23:00 2025-08-02 HKT

曾展望(GM)近日作客梁泰来主持的电台节目《星光背后》，曾展望分享到儿时经历及入行原因。曾展望今年底将满28岁，七年前尚未从理大毕业，已客串主持J2《#后生仔倾吓偈》，并于2019年毕业时放弃会计师高薪厚职加入娱乐圈。近日他凭《女神配对计划》力追叶蒨文(Sophie)而人气飙升。曾展望首揭情倾叶蒨文缘起一粒糖，他笑说：「系嗒晒糖，𫇘嘢！」自认追女仔输得起的曾展望，六年来同样抱著年轻输得起的精神入行追梦做艺人，谈及收入常不够支付家用，曾展望坦言：「觉得自己对唔住妈咪！」

曾展望16岁丧父

曾展望于葵涌区成长，16岁时遇上父亲急病离世。他坦言感激母亲多年来肩负养育他及妹妹成长的重担。他指毕业前后，母亲从没阻挠他入娱乐圈，「毕业前谂住玩吓，但试咗呢行好钟意。由细到大妈咪畀我自由度好大，到我毕业后一段日子，佢问我仲系咪做紧电视，我就知佢担心。其实我一直逃避，唔知点讲。」

曾展望：估唔到咁多人钟意睇我追女仔

曾展望指毕业六年来，必需一边兼职一边追梦，「一定要兼职，自己钟意就自己挨啰。唔会要屋企帮，因为唔想妈咪更担心。但有时佢sense到，譬如佢见到我响屋企经常煮面食，就会问：『点解啲面无得咁快？系唔系唔够钱洗呀？』我又会逃避，话OK无问题，答我只钟意食呢只面啫！」他亦坦承大学毕业至今，收入仍不足以月付稳定家用，「系呀！唔系经常畀到家用，我亦觉得自己对唔住妈咪。妹妹仲读紧大学，但因为自己追梦帮唔到屋企。」原来曾展望曾承诺母亲假若他28岁未有成绩便转行，巧合地28岁前遇上配对真人骚，他说：「完全估唔到咁多人钟意睇我追女仔。」

曾展望有过四段恋情

谈及与叶蒨文的渊源，曾展望指早于2021年拍摄综艺《不能只有我看到的便利店女食谱》时已有合作。谈及最初对女神的印象，「只系几靓几funny，无谂过追佢。以前我都无主动追过女仔，都系由朋友相处或者大家有好感开始。」他坦承有过四段恋情，对上一段关系则是参加配对骚前约8个月，谈及分手原因，他说：「系因为去到某个岁数，大家要嘅嘢唔同。我追紧梦，但对方想稳定啲，明嘅。大家倾分手，唔会去到好难睇嘅，但我系好唔开心。」

叶蒨文令曾展望「触电」

去年曾展望于处境剧被安排与叶蒨文组成CP，适逢曾展望失恋不久，被问及是否因为对方的港姐美貌令他日久生情，曾展望说：「从来做嘢都无谂太多，佢最吸引我唔系外型，公司男男女女好多都好靓。佢吸引我第一，系好幽默好搞笑，同佢外表反差好大；其次，佢好有主见同自己谂法，令我几欣赏佢。」促使曾展望「触电」一刻，他首揭是自己失意时对方的一粒糖，「有一个moment我好记得，旧年七月我自己有啲嘢好唔开心，我好少表达畀人知，但佢观察情绪能力几强。𠮶日化完妆，佢请我饮咗杯咖啡，上面有粒糖，佢剧入面嘅名叫Candy嘛。我即刻觉得『哗！』系好有人支持嘅感觉，系嗒晒糖，𫇘嘢！」

曾展望自觉适合姊弟恋

曾展望重申参与真人骚前，事前不曾对叶蒨文表示任何好感，及至节目招募男参赛者才触发了他报名的冲动，「系一直对佢有好感，𠮶晚夜阑人静有啲emo，见到promo唔想睇住佢畀人追，无理由我唔可以追挂？咪试吓啰。」被问相比其他条件优厚的对手，曾展望不认为自己是高攀，他豪言说：「我无谂够唔够实力同人比，我只会做好自己！我唔会呃佢而家我好掂，会坦白讲我而家咁嘅情况，但我一定会努力，话畀对方听，我一定得嘅，睇对方O唔OK啰！我相信好多女仔都唔系咁现实嘅，都系睇感觉同价值观夹唔夹。抱住呢个心态，咪勇敢追啰！」至于认识年长他五年的叶蒨文后，曾展望更发现自己更适合姊弟恋，「以前未试过，而家钟意姐姐嘅原因，系会发现佢倾偈会畀到啲其他角度你，系自己从来无谂过；有时，佢又会好似妹妹咁样，感觉有好多面向，系好好！」

↓立即下载星岛头条App↓