【旅游】马来西亚｜公干先食到？正宗地道美食

眼睛去旅行

旅游网志作者|每一个旅程, 都总藏著不同的"秘密"

2022-04-21 10:30 HKT

阅讀更多

生活专栏

內容

其实小编跟旧式旅行团去过泰国一次之后，无几耐之后都跟团去咗一次马来西亚，呢次个团由长辈负责挑选 (全部都系长辈，小编都只系〝掹衫尾〞)。

𠮶次真系呢……记忆比泰国仲要少，只记得3样嘢：团饭食蚕蛹 (小编当然无食啦)、成条街得1间酒吧嘅〝夜市街〞，同埋每晚7点已经返到酒店房。大家唔好以为只得小编闷㖞，同行长老第一晚返到酒店房已经话想返香港。

因为工作嘅关系，小编以前经常要出差公干。老实讲公干同旅游系两码子嘅事，因为公干系好难有放松嘅心情，事实真系去做嘢吖嘛，系咪？

但反而公干比起旅游可以令你更容易体验到当地嘅文化，小编好多时因为咁先有机会食到真正嘅地道嘢。

有次去马来西亚公干，虽然多数时间都系开会、开会同开会，但总有休息嘅一刻。中午当地嘅同事会带我哋去食啲非常地道嘅嘢，呢啲通常都系佢哋每日都会去嘅大牌档、茶室之类。印象比较深刻有3样嘢，云吞面、肉骨茶同咸柠檬 (手信)。当地嘅云吞面同香港好唔同，因为我只系食到云吞皮，入面无乜馅；而肉骨茶亦同旅行团带你去食𠮶啲唔同，味道甘好多。印象最深刻嘅反而系同事带小编去一间非常旧式嘅手信店，𠮶度有啲一盒盒白色盒嘅咸柠檬，小编买咗几盒返香港送比一个朋友，因为佢经常都话牙肉痛。原来真系好有效，朋友用一粒嚟冲一大樽水当水饮，饮咗2日就好返。唔知大家有无见过呢？如果有见过或知道小编讲紧𠮶盒系咩，麻烦联络一下小编，因为真系好想再买到。 #马来西亚 #吉隆坡 #公干 #出差 #肉骨茶 #云吞面 #咸柠檬 #地道食物#Malaysia #KualaLumpur #businesstrip #bakkutteh #wontonnoodles #saltedlemon #authenticfood