【旅游】泰国｜是拉差龙虎园｜第一次与老虎近距离接触

眼睛去旅行

旅游网志作者|每一个旅程, 都总藏著不同的"秘密"

2022-04-19 08:00 HKT

阅讀更多

生活专栏

內容

泰国有好多动物园，其实来来去去都系差唔多，但就系唔知点解每次都要去一去先安乐。

上次去嘅系是拉差龙虎园，主要都系睇下大象表演、鳄鱼表演同老虎表演咁，记忆中最搅笑系睇〝数字猪〞。

〝数字猪〞传闻系一只识计数嘅猪，例如问佢1+3等如几多，佢就会自己去揾个4字出嚟，虽然唔知点解可以做到 (又或者佢真系咁聪明)，但都无必要去深究啦，旅行嘅目的系放松同享受吖嘛，睇得开心睇得过瘾咪得啰，系咪？

呢一次去动物园，小编亦献出咗人生嘅第一次 (相信都系唯一嘅一次)，就系亲身尝试喂老虎BB喇。可惜……世事总系事与愿违，原本小编与旅伴带住充满期待嘅心情坐低等待紧老虎BB，点知一见到工作人员抱住𠮶只〝老虎BB〞行埋嚟嘅瞬间，所有期待同喜悦都烟消云散，心谂：呢只都叫BB？！𠮶只〝BB〞足足超出晒小编与旅伴二人嘅横度，当工作人员将〝老虎BB〞放低时小编真系完全唔敢郁动丝毫，只可以僵硬咁拎住个奶樽，而〝老虎BB〞亦将佢只〝小手〞搭住小编嘅左手，当时只系感觉到被搭住嘅地方有啲痛……好唔容易等到够钟，工作人员抱番起只〝老虎BB〞嘅时候，小编发现被搭住嘅地方有3点已经损咗甩皮 (唔系浅层果种)……从此之后小编对所有动物都采取「只可远观不可亵玩」嘅宗旨做人。

所以呢？人生每一个旅程每一个经历都有可能改变往后嘅人生观，造成唔同嘅谂法同结果。唔知大家又有无遇过一啲事情而令自己改变呢？

#泰国 #芭提雅 #是拉差龙虎园 #喂老虎 #数字猪 #人生经历 #thailand #pattaya #Sriracha Tiger Zoo #feed the tiger #digitalpig #life experience