【旅游】泰国 芭提雅｜不夜城
芭提雅，除咗必玩嘅阳光与海滩之外，点少得体验一吓当地最出名嘅夜生活呢？ 睇人妖show、真人表演、行夜市、步行街、坐〝笃笃〞呢啲都一定系指定动作。相信大家都有去过泰国睇人妖show (其实小编比较喜欢称呼佢哋为〝变性人〞，感觉比较尊重，同埋始终妖妖声都唔系咁好听吖嘛，你哋话系咪？！)如果大家同小编一样系十几廿年前睇嘅话，应该会发现以前嘅变性人靓好多，真系可以话系世界级〝靓女〞，同依家𠮶啲真系好唔同。 有时喺泰国见到啲颜值比较高嘅女性，身边朋友就会开始讨论究竟佢系(真)女人定系变性人，会有好多种讲法例如：睇手睇脚睇身型睇骨架……等等等等，但每当有朋友问小编意见嘅时候，小编就会话：有一个最简单直接嘅方法，就系直接行过去同佢讲句泰文嘅〝妳好〞，咁咪清楚晒唔使估啰。至于真人表演都系𠮶啲啦……有睇过嘅朋友就知。
泰国嘅夜晚真系比日头多采多姿同热闹好多，除咗啱啱讲嘅表演之外，亦都可以去行吓夜市同步行街，夜市就好似女人街咁乜都有得卖，比较容易买到手信；而步行街就更加五光十色，充满食肆同酒吧，酒店都分唔同种类，有普通三五知己饮酒嘅，有可以揾〝朋友〞倾偈嘅，有女仔喺枱跳舞嘅，亦有啲有拳赛睇嘅，形形式式任君选择，只要小心选择就可以。
夜晚买完玩完坐番程〝笃笃〞返酒店，吹住微风欣赏下沿途𠮶种热闹繁嚣都真系几舒服。有次小编竟然破咗戒，返到酒店附近见到有个车仔档卖串烧 (好似以前新年喺街边卖嘢食𠮶啲细细车仔档)，因为佢烧得实在太香，所以忍唔住买咗黎食，只系卖港币$2一串嘅串烧，小编之后喺泰国都无再见过咯……。
唔知大家喺芭提雅有无奇遇呢？ 或者其他经历都可以同我地分享一下㗎。
#泰国 #芭提雅 #真人表演 #泰国表演 #人妖 #泰拳 #无上装 #桌上舞 #泰国夜市 #泰国步行街 #笃笃 #泰国手信 #泰式串烧 #夜生活 #Thailand #Pattaya #Live show #Thai show #shemale #Muay Thai #Topless #table dance #Thainight market #Thai Walking Street #tuk tuk #Thai souvenirs #Thai skewers #nightlife
