初尝佐敦海鲜铁板烧 海胆达人不计成本做好美食
饮食︱美妆︱玩乐︱星岛 New Media 主播
2021-12-16 12:53 HKT
字体大小
啱啱过咗食大闸蟹最黄金嘅日子，食过唔少大闸蟹宴，其中令我念念不忘，一定系位于佐敦嘅铁板烧店「乐Teppanyaki」推出嘅大闸蟹餐。
逾20年铁板烧经验兼有海胆达人之称嘅乐师傅推出全港首创9道菜和式铁板冰火大闸蟹餐，乐师傅严选来自江苏的大闸蟹公，制作新鲜及肉质饱满的大闸蟹餐。
一边品尝每一道菜，一边了解乐师傅设计这餐单嘅心得同埋煮食同贴士，感受到佢对铁板烧嘅热爱。「花胶扒要冻水浸先会爽口、熟海胆要好有技巧处理先唔会腥、波士顿龙虾够厚肉，最啱用嚟做铁板烧......」
由于海鲜嘅价格成日浮动，点解乐师傅向难度挑战，店舖主打铁板烧海鲜？「我唔计较成本，如果计较成本，好难做到海鲜餐！」有时乐师傅发现食材贵咗，分分钟冇得赚之余，仲有机会蚀，但佢觉得如果可以做到好味嘅食物，佢都会照入货。
今次大闸蟹餐将蟹肉和蟹黄融入主菜同主食，包括全港首创嘅冰镇酱渍8両大闸蟹、非常足料嘅火焰蟹粉甲罗烧、爽口鲜甜嘅蟹粉花胶扒同埋粒粒分明的蟹粉葱花蛋炒饭等4款点题菜式。
其中冰镇酱渍8両大闸蟹，特别选用江苏大闸蟹。乐师傅先将蟹身冲刷干净，再将紫苏叶放啖喺大闸蟹上一齐清蒸，再用大吟酿清酒、柠檬、柚子、花椒同八角等制成自家秘制酱汁泡浸，味道带甜，更能提升蟹鲜。
「乐师傅，通常做酱渍海鲜都会脱去海鲜嘅外壳，等佢入味啲，点解呢只蟹唔洗脱壳，都可以咁入味?」我好奇一问，乐师傅：「好食呢？当然有秘诀啦！」
食过咁足料嘅大闸蟹餐，唇齿留香之余，更重要系可以「以食会友」，认识咗一位对煮食充满热诚同执著嘅大厨，令我十分佩服。
最Hit
长者乘车优惠明年4月收紧！长者群组热议「两蚊两折」点样计? 每月限搭240程？北上深圳贵好多？
2025-12-12 17:51 HKT
76岁「镇台之宝」主角变三线艺员曾被闹戏屎 谈公司陷财困：年年减薪，唔减薪𠮶年就减骚
2025-12-13 14:30 HKT
更多文章
