KellyChu - 麦当劳叔叔之家晚宴动人一幕 抗癌小勇士一家分享复康经历 | Executive日记
KellyChu
2024-10-21 02:00 HKT
字体大小
香港麦当劳叔叔之家慈善基金喺上周六晚举行一年一度嘅慈善晚宴，善长人翁捐款又支持慈善拍卖，为有需要嘅病童同家人筹款，让佢哋入住位于沙田同观塘嘅2间麦当劳之家，一同面对治疗嘅挑战。晚宴请来曾受助嘅谦谦同家人，讲述如何得到支援，佢哋感恩回报，经常回麦当劳叔叔之家做义工。
家住元朗嘅谦谦，2014年3岁时确诊急性淋巴白血病。谦谦嘅妈妈话，当时得知仔仔患病，成个家都好彷徨，佢要返工兼来往医院照顾谦谦，压力好大，好在经医院社工介绍，一家人入住麦当劳叔叔之家沙田家舍，毗邻医院，来往医院探病，方便咗好多。谦谦婆婆称，初入沙田家舍感觉宽敞，职员待人亲切，感谢麦当劳叔叔之家嘅招待，帮助小朋友快啲康复。谦谦爸爸就话，沙田家舍嘅设施很好，不仅帮助小朋友康复，亦为屋企人着想，设有减压房，非常贴心。
喺麦当劳叔叔之家温暖陪伴下，谦谦成功康复，健康成长，现在十几岁，佢好乖咁话，时常同妈妈一齐返回麦当劳之家做义工，又去卖旗，给予患病家庭支持与帮助。Kelly听谦谦一家人讲述同共面对治疗嘅挑战，十分感动，喺呢度呼吁大家多啲支持麦当劳叔叔之家，让更多病童同家人得到支援同鼓励。
喺慈善晚会上，除咗分享，大会请来失明女歌手林小芬献唱《You raise me up》，十分动人，Kelly获得鼓舞，天生我才必有用。
KellyChu
失明女歌手林小芬Sio Fan。
最Hit
更多文章
