曾智华 - 一镬泡、影都冇｜禄禄无穷
曾智华
2023-02-16 00:00 HKT
字体大小
昨天早上如常步入茶记，哗！乜事？晨咁早已闻到火药味！
原来班的士大叔在「问候」人，大大声嗌破喉咙，究竟搞紧边科？点解唔冷静地开《城市论坛》各自理论？
一听之下，哦哦哦，明晒。相信佢地绝对代表万计职业司机心声！
肥佬伯：顶佢头槌，边个做运输署署长㗎，搞少少嘢都搞到一镬泡？喂，收几十万一个月㖞，犯咁多低级错误？简简单单出个「车辆贴」都乱晒大笼，真系Hello Hong Kong嘞！
排骨叔：喂喂，佢都认晒衰啦。不过，真唔明，香港著名公务员质素优秀（声气似在润人），效率冠绝全球，整乜呢剂嘢可犯上：前期准备不足、欠缺全面宣传、「司机卡」供货不足、电脑程式不完善、承办商寄标贴出现衔接问题、「弹弓手」收费服务要延期。
以上6项，唔系我老作㗎，系运输署署长罗淑佩亲自承认㗎。各位，乜呢个「车辆贴」政策好似复杂到呕咁嘅呢？有冇人畀个理由我，点解搞到甩辘成咁？
我一边叹奶茶一边听佢哋呻。惨㗎，职业司机日日呢度去𠮶度去揾食，烦到佢哋，当然冇面畀兜嘢喷你啦！
说来，小弟也是无奈的受害人，1月10日收到通知，声明5个工作天收到车辆贴（见图）。唉⋯⋯收鬼收马咩？
曾智华
原来班的士大叔在「问候」人，大大声嗌破喉咙，究竟搞紧边科？点解唔冷静地开《城市论坛》各自理论？
一听之下，哦哦哦，明晒。相信佢地绝对代表万计职业司机心声！
肥佬伯：顶佢头槌，边个做运输署署长㗎，搞少少嘢都搞到一镬泡？喂，收几十万一个月㖞，犯咁多低级错误？简简单单出个「车辆贴」都乱晒大笼，真系Hello Hong Kong嘞！
排骨叔：喂喂，佢都认晒衰啦。不过，真唔明，香港著名公务员质素优秀（声气似在润人），效率冠绝全球，整乜呢剂嘢可犯上：前期准备不足、欠缺全面宣传、「司机卡」供货不足、电脑程式不完善、承办商寄标贴出现衔接问题、「弹弓手」收费服务要延期。
以上6项，唔系我老作㗎，系运输署署长罗淑佩亲自承认㗎。各位，乜呢个「车辆贴」政策好似复杂到呕咁嘅呢？有冇人畀个理由我，点解搞到甩辘成咁？
我一边叹奶茶一边听佢哋呻。惨㗎，职业司机日日呢度去𠮶度去揾食，烦到佢哋，当然冇面畀兜嘢喷你啦！
说来，小弟也是无奈的受害人，1月10日收到通知，声明5个工作天收到车辆贴（见图）。唉⋯⋯收鬼收马咩？
曾智华
更多文章
