曾智华 - 有女性，好得多｜禄禄无穷
曾智华
2023-02-15 00:00 HKT
字体大小
《Hong Kong Is Onstage Again》——香港重返国际舞台！乃「Hello , Hong Kong」一连串大型活动的开幕，全港加国际记者云集，西装骨骨男子汉一字排开，真系唔打得都睇得，齐齐亮灯，显示决心。
当日小弟睇到，都觉得有啲唔妥，不过又似乎并非大事，故冇出声。
哈，点知，原来我所谂，竟与不少女性睇法脗合，包括妇女基金董事何苗春晖。
乜唔妥？正是呢个代表全香港市民向世界高呼「香港返嚟喇！」的活动， 台上揿灯者太过清一色，完全冇「五光十色」，根本未能代表香港不同性别，不同年龄，不同肤色，不同……的特色。
当然，尤其是欠缺香港的「半边天」——女性。
其实，70年代开始，全球所有大城市的大机构，都开始有项规定——管理层一定要有女性！
因为，男人有男人的特性，多倾向刚强硬朗爱威之外，看事也只会从男性角度出发。但面对的市场，则有男有女，斋男性定决策，好容易变「单眼佬凉茶」，只睇到一面而非全面。
女性特点，温柔（大部份）敏感，客人较易接受。故此，代表机构（香港）出访做推销员，也容易开展沟通。
所以，今次特区政府咁大个活动，决定「食斋」，并非最妥当安排。
亡羊补牢未为晚也。既然一系列活动尚待展开，快快邀请香港的能干女性加入啦，未迟㗎！
曾智华
当日小弟睇到，都觉得有啲唔妥，不过又似乎并非大事，故冇出声。
哈，点知，原来我所谂，竟与不少女性睇法脗合，包括妇女基金董事何苗春晖。
乜唔妥？正是呢个代表全香港市民向世界高呼「香港返嚟喇！」的活动， 台上揿灯者太过清一色，完全冇「五光十色」，根本未能代表香港不同性别，不同年龄，不同肤色，不同……的特色。
当然，尤其是欠缺香港的「半边天」——女性。
其实，70年代开始，全球所有大城市的大机构，都开始有项规定——管理层一定要有女性！
因为，男人有男人的特性，多倾向刚强硬朗爱威之外，看事也只会从男性角度出发。但面对的市场，则有男有女，斋男性定决策，好容易变「单眼佬凉茶」，只睇到一面而非全面。
女性特点，温柔（大部份）敏感，客人较易接受。故此，代表机构（香港）出访做推销员，也容易开展沟通。
所以，今次特区政府咁大个活动，决定「食斋」，并非最妥当安排。
亡羊补牢未为晚也。既然一系列活动尚待展开，快快邀请香港的能干女性加入啦，未迟㗎！
曾智华
更多文章
