星级大搜查丨明星自认初级定高级大人?周嘉洛自爆学识洗衫 姚子羚盛赞视后「超高级」

更新时间:08:00 2026-11-16 HKT
发布时间:08:00 2026-11-16 HKT

踏入社会职场,表面上光鲜亮丽的艺人们到底自理能力如何?是独当一面的「高级大人」,还是私底下论尽的大细路「初级大人」?今集《星级大搜查》就访问到多位明星,自评是「初级大人」还是「高级大人」。不少艺人自认生活技能欠奉,更自嘲是「生活白痴」。已过而立之年的周嘉洛透露,两年前才学懂用洗衣机洗衫,李佳芯更自揭经常忘记交电费惨遭Cut电!

周嘉洛两年前学识洗衫  李佳芯冇记性被Cut电

谈到日常生活自理,多位当红小生花旦纷纷直认私下是「初级大人」。周嘉洛自嘲工作虽然认真专注,但私底下绝对是生活白痴:「生活细节上好多都……洗衫都系最近学识嘅,啊,我谂都学识咗两年左右啦。𠮶啲呀嘛,即系边一个洗衣粉𠮶啲,柔顺剂要落边格𠮶啲。其实最好就唔好用柔顺剂啦,因为会破坏入面𠮶啲纤维。」他笑指全因到外地拍剧才被逼学识洗衫,但最紧要「学得快」。女神李佳芯同样自评一个人时绝对是初级大人:「我系咩都会唔记得啦,又大头虾啦,又冇 planning 啦,又唔识照顾自己啦,跟住又会成日唔记得交电费俾人 cut 电𠮶啲人嚟嘅。所以身边啲朋友都会话我好Kam嘅。」不过她笑言一返工就会释放高级大人一面,扮到好精神。王菲亦自爆成日大唔透:「即系可能早几年我都会话『大人唔喺屋企』。即系廿几岁都仲讲紧『大人唔喺屋企』,但系其实我已经系一个大人嘅状态。」姚子羚则坦言自己买机票极度愚钝:「初级系……我其实我唔系好识得去买机票𠮶啲啰。即是人哋依家系会上网买机票啦,咁跟住你仲会格晒价啦……我系喺呢方面我是好……好 stupid 嘅。水费电费有时我都会唔记得缴交嘅。」刘漪琳亦自嘲是渴望成为高级大人的初级大人:「明明讲紧电话,但就揾紧个电话喺边,同埋好容易认不得路。」

相关阅读:星级大搜查丨明星育儿血泪史!谢安琪仔餐厅掟柠檬 洪永城狂奔半个钟捉女 郭羡妮当街闹女

阮嘉敏自荐做钟点工大骚超强自理能力

相反,部分艺人则展现出极强的独立生存能力,绝对配得上「高级大人」称号。阮嘉敏自封生活达人,更自爆私下是收纳狂热者:「我除咗唔系好识煮饭,即系我唔系好叻之外呢,家头细务我真系可以去做钟点工啰!我好钟意执屋㗎,会帮你执到好整齐啦。经济方面我自己都系有独立嘅经济能力,生活上基本上我系可以自己解决晒所有嘢啰!」何沛珈则坦言为了做妹妹的榜样,自小就强逼自己变得坚强:「就算我系初级大人,我觉得我都系饰演一个高级大人,因为我仲有妹妹,妹妹要睇住我作为榜样。高级大人其实系内心可能收埋咗好多嘢,之后但系佢表达出嚟,永远都系一个好开心、好活泼嘅人。」男团 MIRROR 成员邱士缙(Stanley)亦自信表示能兼顾所有生活琐事:「我可以照顾到自己,同埋照顾到另一半嘅人。我可以填满自己啲空闲时间,好钟意一个人去茶餐厅食嘢、睇戏打波。」孙慧雪自评从小独立自主:「拣小学、拣中学都系我自己拣,好夸张!我老公觉得我喺工作上面𠮶个独立系爆分嘅,但一唔返工好似冇咗个脑咁样嘅,食嘢都好似唔识自己去食咁样。」陈晓华则自封「自由嘅高级大人」:「我嘅凌乱啦、我嘅一塌糊涂呢,其实都系照顾紧自己。我喺呢啲凌乱同埋一塌糊涂之中呢揾到快乐出嚟!我揾路系超叻㗎,我睇地图系好有一手!」

相关阅读:星级大搜查丨娱圈多骗案苦主?何沛珈被呃手袋怕失礼唔「报东张」 郭柏妍自爆被骗感情

陈家乐被连诗雅软性引导戒打机

除了单身艺人的生活模式,已婚及为人父母的艺人更在家庭育儿路上体会到高级与初级的差别。陈家乐坦言自评实质上仍是初级大人,更大赞太太连诗雅是引导型高级大人:「我太太系高级大人,我系初级大人。佢会话咗畀我听个结果系噉样,去引导我。即是我打机,打机个结果就是个女会唔同我讲嘢,因为我顾住打机唔陪个BB嘛。噉陈太就会讲:『嗱,你睇下,你个女今日开始唔理你喇,你知道点解啦。』噉我就会放低部机去同我个女玩。」已经为人母的汤怡直言面对五岁女儿时每日都是挑战:「每日都是面对紧不同的问题同埋挑战,依家小朋友五岁,最多『点解呀?妈咪点解?』,你要揾个方法同佢解释,对我而言是非常之大的挑战。」她更甜赞老公麦秋成是高级大人:「训练个女分房瞓,同我倾就点都唔得,老公话『等我同佢倾一倾啦』,过咗个下昼搞掂咗喇!佢女会自己分房瞓喇!」另外,身为人父的陈湛文则自评为中高级大人:「屋企大大小小需要安装嘅嘢都系我负责嘅。除咗同个女玩𠮶时我先至会扮三岁小朋友,其余时候我都要做返一个真系大人要做嘅嘢。」黄淑蔓则自称中级大人:「高级大人可以自己处理任何难题同经济压力,初级大人又保留咗小朋友初心,钟意黐家同买公仔,我觉得自己两样都有。」阮浩棕同样自评介乎中间:「未系一个好自立嘅人,但心态上已经无咗细个𠮶种锐利,所以中级啦。」马贯东则笑称要视乎场合:「宠物店因为有丰富经验partner,佢做高级得㗎喇;但喺屋企我要照顾猫同所有嘢,无得唔做高级大人。」

相关阅读:星级大搜查丨伴侣难顶习惯大揭秘!罗子溢拖延症激死杨茜尧? Stanley嫌未婚妻行动力太高

姚子羚盛赞视后胡杏儿落单极果断

访问最后少不了圈中好友互相大踢爆!姚子羚毫不犹豫点名胡杏儿是心目中的顶级大Boss:「一定是胡杏儿!她是非常果断啦,同埋她所有嘢基本上自己绝对可以 handle 晒嘅。果断到我们一班人出去食饭呢,有时我有选择困难症,她打开个菜单:『得喇。呢个、呢个、呢个……』好果断叫一堆餸出嚟安排晒!好 leader,生活之中她一定系高级大人!」何启华(阿Dee)则笑言生活上账单经常罚息,是个初级大人,更爆料队友 193(郭嘉骏)比自己更大镬:「三爷点解叫三爷呀?三少爷呀!少爷系唔需要自己做嘢㗎!买车佢好叻,但填表𠮶啲呢佢都系『揾人搞啦喂』,𠮶啲洗衫呢『哎呀揾个工人整啦』,佢唔会自己洗衫!」阿Dee同时力赞王智德(Alton)生活有条理兼会自己填表,绝对是高级大人。王菲则笑指陈熙蕊是「低级大人」:「佢系一个极度需要人照顾嘅女仔,好少事都要你帮佢做选择同决定。」周嘉洛盛赞朱敏瀚方向感极强兼睇一次地图就识带路,非常有型,但亦自豪自己带错路够 Spontaneous(即兴):「行错方向无问题,先可以欣赏到意想不到嘅沿途风光!」李佳芯则发掘到吕爵安(Edan)极具童真初级一面;何沛珈大赞阮嘉敏感情事业清醒独立;孙慧雪点名林秀怡照顾父母坚强独立;陈家乐则大赞卫诗雅廿岁出头就考定多个专业牌照规划人生;陈湛文认为阿Dee思维高级但行径中级;马贯东则笑指陈晓华解决问题能力强到「黐线」,可见于娱乐圈中,无论是自力更生的「高级大人」,还是随性可爱的「初级大人」,都各具独特生存之道。

相关阅读:星级大搜查丨明星通讯习惯大公开 Ian疑有电话恐惧症:有人打嚟我就好紧张 陈滢最憎人打电话