蔡天凤碎尸案|邝球:因邝港智「大陆有条女」 蔡天凤性格180度转变
发布时间:13:36 2026-11-18 HKT
28岁名媛蔡天凤(Abby Choi)2023年2月疑遭杀害后肢解烹尸,蔡天凤前夫邝港智、前家翁邝球、前夫兄长邝港杰否认谋杀罪。案件踏入第40日审讯,邝球承认曾辱骂蔡天凤为「生仔机器」,认为蔡天凤「唔系唔尊重我家庭,佢系180度转变咗啲性格,原因就系佢知道Alex喺大陆有条女」,又否认蔡天凤看不起邝家称「点解睇唔起?佢收咗我咁多钱,负责一个banker咁嘅角色,啲钱边个畀佢呢⋯⋯」
称邝港智内地有女友后蔡天凤性格180度转变
邝港智代表大律师安华晖盘问指邝球对发烧事件轻描淡写,邝球解释「一种家庭嗌交啲嘢好小问题,喺我心目中」。邝球否认当时曾经打过蔡天凤,「冇打佢,如果打佢报咗警啦」。安华晖指邝球想打蔡天凤,惟遭谭方骏邝港杰阻止,邝球否认指「冇尝试,冇咁嘅意识想打佢,系想闹交啫」。然而邝球承认曾辱骂蔡天凤为「生仔机器」,但不是出于蔡天凤为谭家诞下2个孙儿而得到金钱。邝球同意触发冲突是因为蔡天凤不尊重李瑞香,因而情绪激动,但认为「佢唔系唔尊重我家庭,佢系180度转变咗啲性格,原因就系佢知道Alex喺大陆有条女」,又指直至最后邝港智蔡天凤仍关系亲近。
否认蔡天凤看轻邝家 「佢收咗我咁多钱」
安华晖指根据蔡天凤向母亲发出的语音讯息,当中提及邝球一家时说话难听,态度恶劣,邝球回应「我都唔知㗎㖞,因为佢冇同我对过话嘛,喺背后讲人呢啲系小人来啰我觉得」。安华晖指由此可见在发烧事件前后,邝球理应或多或少感觉到蔡天凤看不起邝家,邝球回应「我唔知㖞,点解睇唔起?佢收咗我咁多钱,负责一个banker咁嘅角色,啲钱边个畀佢呢⋯⋯」安华晖提到谭家更富裕,邝球答「我唔知佢有几多钱㖞,佢有佢嘅嘢,我有我嘅嘢,谭家还谭家,我搞得掂屋企嘅生活就ok㗎啦」。
不知蔡天凤拒让子女与其见面 「你讲我先知」
安华晖指发烧事件后,蔡天凤拒绝让2名子女见邝球,邝球称「佢冇直接同我讲呢样嘢,你讲畀我听我先知咋嘛」。邝球指2022年6月到2023年农历新年期间曾见过2名孙儿,安华晖问可有人告诉邝球蔡天凤因此感到愤怒,邝球答「冇㖞」。
蔡天凤农历年聚会无露面 邝球:唔得闲咪唔出席啰
邝球被问及为何蔡天凤不在时,则指「啲年轻人好多节目㗎嘛,我点知佢系咪又去咗澳门赌钱呢,你都话系前嘅新抱,人地嘅自由嚟㗎嘛」,强调「呢啲好小问题咋嘛,佢唔出席咪唔出席,唔通佢唔出席我又唔开心咩,出席我又开心咩,得闲咪出席啰,唔得闲咪唔出席啰」。
「唔俾见两个孙当然唔开心…打官司啰」
安华晖质疑,若蔡天凤不让邝蔡子女见邝球,邝球会感到十分不高兴。邝球反问「唔可以见?边个权力可以俾佢唔俾佢地见我,有咩可以法庭解决㗎嘛」,更指「当然唔开心啦,如果唔俾见两个孙」。邝球被问及是否会感到愤怒时,他反问「唔开心同嬲有咩分别啊?」在安华晖追问下,他回应「唔开心呢样嘢可以克制到嘅自己,如果佢真系唔俾我见啲孙嘅,咁咪去家事法庭解决啰」。安华晖反驳道,蔡天凤有抚养权,邝球回应「我知道,但系抚养权佢都要俾我𠮶仔Alex见㗎嘛」,更指家事法庭都会安排一星期见一两次。邝球指「我咪揾律师处理啰,睇下有无嘢做到啰,打官司啰」。
相关新闻:
蔡天凤碎尸案|邝球认对蔡天凤被肢解负全责 「我企喺度,对住个胶箱呆咗」
蔡天凤碎尸案|邝球称为家中每人分配角色 蔡天凤负责财政与邝港智研究投资
蔡天凤碎尸案|邝球称对两子一视同仁 否认与邝港智不和 曾为幼子还款600万元
邝港杰、邝球、邝港智同被控1项谋杀罪及1项阻止合法埋葬尸体罪。控罪指3人于2023年2月21日,在大埔汀角路龙尾村56B村屋地下内谋杀女子蔡天凤,并在2023年2月21日至23日期间,于同地阻止合法埋葬蔡天凤的尸体。三人否认谋杀罪,但承认阻止合法埋葬尸体罪。
本案以英语进行,由暂委法官祁彦辉(Brian Keith)审理,控方由外聘资深大律师郭莎乐(Charlotte Draycott)、高级助理刑事检控专员梁育珩、高级检控官林晓敏及吴希乐、检控官尹培轩代表,邝港杰由大律师Trevor Beel代表,邝球由大律师戴伟奥(Oliver Davies)代表,邝港智由大律师安华晖(Andrew Raffell) 代表。
案件编号:HCCC198/2025
法庭记者:陈子豪 黄巧儿

















