辞职等12月返新工竟遭「弹弓手」!HR一原因临时收返Offer 苦主崩溃沦双失青年|Juicy叮
发布时间:08:02 2026-11-18 HKT
打工仔转工最怕遇到「弹弓手」,一旦辞去旧职却被新公司临时放飞机,随时陷入两头不到岸的绝境。有网民在Threads发文替朋友大吐苦水,指朋友收到新工作Offer后便向旧公司递信辞职,岂料在准备履新之际,竟突然收到新公司通知取消聘用,令本身情场失意的事主瞬间沦为「双失青年」,帖文引发极大回响。
准备12月返工签约 新公司突反口:唔够稳定
楼主在帖文中透露,其朋友早前成功获新公司取录,于是安心向原职公司辞职,「准备12月1号第一日返工签约」。没想到在等待上班期间,朋友突然收到新公司的来电,「又话唔请佢,话佢唔够稳定,所以考虑完都系唔请,收返个offer」。
楼主无奈表示,朋友本身已经「情场都失意」,如今连新工作也泡汤,瞬间变成「双失青年」,在留言区更透露事主面对突如其来的打击,现时「喊到X街」,不知如何收科。当有网民惊讶询问「仲可以突然收返㗎咩」,楼主则回应指当时「可能因为口头...」承诺,尚未正式签署文件。
网民怒轰公司无良 质疑背景审查出事
对于新公司以「唔够稳定」为由收回成命,大批网民看不过眼,纷纷留言炮轰涉事公司做法极不负责任。有网民直斥「出左offer弹弓手已经好cheap, 仲要话人唔够稳定,责任不在佢咁,cheap 上加cheap!」,亦有留言讽刺指「出offer之前麻烦,完成好晒所有流程程序先好出,自己本身公司都唔稳定,仲去学人请人,话人唔稳定,九唔搭八,垃圾公司」,纷纷要求事主「开间公司名啦,警世」,好让其他求职者避雷。
与此同时,有网民推测,新公司突然反口未必单纯因为「唔够稳定」,怀疑是背景审查(Reference Check)出现暗涌,留言分析指「似bgc肥左,唔敢讲你知」,或者「当佢联系旧雇主时发现有异常,都有机会作出反向动作」,甚至有网民戏言「旧同新公司老板会唔会互识」。
不过亦有人安慰事主塞翁失马,认为「换左新公司做落都可能伏,当做唔驶亲身试伏啦」,又鼓励指「呢个先系好开始嘅征兆...所有唔好嘅嘢都离开, 有空间俾新嘅嘢入嚟」。
「签约先辞职」定「签咗都冇用」? 网民掀职场风险论战
事件亦引发网民对「何时才应该递信辞职」的激烈争论,不少打工仔认为事主未签正式合约便辞职过于冒险,强调「一日未签合约 一日都唔好辞职」,更有人分享自身经验指「我n年前收到新公司offer,个HR打电话叫我可以辞咗份工,佢话个offer系通过几个部门嘅director签咗approve咗,叫我尽快辞职因为个位等紧我返工,但系我都坚持一定要亲身上去签完约先返旧公司辞职」,有网民亦直言「你HR做嘢做快啲嘛,有乜理由由我承担风险?」,认为至少要有白纸黑字的确认电邮或签妥 Offer Letter 才可行动。
不过,另一派网民则指出本港不少行业惯常在「第一日返工先签约」,而且即使提前签约亦非免死金牌,有留言指出「其实就算签咗约你返左工佢唔啱都可以叫你即走㗎啦」,因为在试用期首月内,「即使签咗约,双方都系有权以一日通知,终止合约」,甚至「到时佢都可以七日试用唔满意叫你收皮」,感叹在现行制度下「每次转公都系一场赌博」。
过来人献计自救:尝试撤回辞职或追讨赔偿
面对进退两难的局面,不少有相似经历的过来人纷纷在留言区献计,有网民建议事主放下面子向旧公司求情,「同公司讲 睇下收唔收得番」辞职信。一名网民更分享身边同事的成功例子,指「我teammate试过,last day前一日,佢diy散水饼都准备埋......好彩未请到人,同hr讲我地成功留到佢,取消辞职」,引来楼主羡慕大赞「你哋好好呀!」。但该名网民亦补充「前提佢系一个好同事 ,好帮到手」,其他网民亦提醒「如果上司唔中意你,可以执正来做话交在信无得退」。
除了尝试留任原职,也有网民建议透过法律途径向反口的新公司追讨损失,有苦主分享十多年前的亲身经历,表示当年「试过星期六收到冇来电显示电话话取消offer,果时我仲要系俾咗差唔多$5000旧公司提早走」,最终他「听咗区议员建议去小额钱债要求对方赔钱,最终成功咗」由取消 Offer的公司作出赔偿。另有网民补充指,「如果有Written Offer,即使未签约,都系有效,咁你朋友亦真系因为佢比Offer先Resign,可以去劳工处试下,之前有Case系赔咗3个月出嚟」,建议事主若有保留相关证据,不妨向相关部门查询及争取权益。
来源:Threads
延伸阅读:60岁文职失业逾年求教「点包装空窗期」 网民竟一致提议用这借口:HR无法挑剔

















