蔡天凤碎尸案|邝球指买大汤煲作花盆种冷籐植物 大炸筛打边炉用
发布时间:16:05 2026-11-17 HKT
28岁名媛蔡天凤(Abby Choi)2023年2月疑遭杀害后肢解烹尸,蔡天凤前夫邝港智、前家翁邝球、前夫兄长邝港杰否认谋杀罪。案件踏入第39日审讯,邝球首日出庭亲述,他欲在龙尾村单位门外设置围栏,购买护目镜防止「啲碎屑整到眼」,另购买大汤煲作花盆种冷籐植物。邝球又指,肉档的砧板及菜刀多细菌,他购买砧板及菜刀自己切肉,惟雪柜可以用二手,另帮友人购买碎肉机。邝球提及,大炸筛可于打边炉用。
买二手锯与锤子准备为村屋设装设围栏
邝球忆述,龙尾村单位业主许欣欣建议他可在单位门外安装围栏,因此「我打算自己装修整呢个围栏」,并联络内地好友阿权「帮我一齐做呢个围栏」,因「阿权喺大陆做装修公司」。邝球透露,他打算用竹交叉捆绑建成围栏,因此他「买咗啲工具啦,例如系啲锯,锯木锯竹𠮶啲,仲有𠮶啲锤仔,好似买咗锤仔」。邝球回想,他在鸭寮街的一间店铺内购入一把全新的锯,其后在「鸭寮街啲街边档𠮶啲小贩度」购入一把二手锯。邝球表示,全新的锯「800几蚊一把」,二手锯则是「200几蚊一把」,他将两把锯带到龙尾村单位。
相关新闻:
蔡天凤碎尸案|邝港杰称不见弟用武器攻击蔡天凤头部 不知伤势由何人造成
蔡天凤碎尸案|龙尾村闭路电视下行为正常伸懒腰 邝港杰:强装镇定「唔知做紧啲咩」
蔡天凤碎尸案|邝港杰称曾选择保护胞弟 因「细佬仲好后生,爸爸就大年纪啦」
为免锯竹期间有碎屑入眼 买两面罩当护目镜
邝球被问及单位内的面罩时,他指「喺𠮶啲杂货店买两个面罩」,尽管他没有锯竹的经验,惟他认为假设要锯竹「一定要带𠮶啲护目镜,如果唔系啲碎屑咪会整到眼」,一个面罩是「我自己戴」,另一个面罩是「如果阿权落嚟帮我手,咁佢咪可以带一个啰」。邝球形容「我自己谂用啲绳啊,用啲胶带(索带),用啲钉」固定竹子整围栏,而「Damon帮我买咗啲绳,同埋啲胶带𠮶啲」。
买大汤煲充当花盆种冷籐
邝球又指「我买咗个大𠮶啲煲汤𠮶啲煲,种植啲冷籐,用嚟做花盆」,邝球形容汤煲有两个大手柄,因此可以将竹的绳固定在手柄上。另外,业主表示「如果落大雨,门口出面有条大水坑,会有水浸嘅情况出现」,因此购买了两件雨褛及两对水靴,一套自用,另一套「系for边个嚟我屋企咪著,我大仔又好,我太太又好,女朋友又好」。
称肉档砧板多菌 自购砧板菜刀及牛肉刀
邝球提到,他购买了牛肉刀、菜刀及砧板的原因,是「因为本身我做饮食业,我知道系肉档𠮶啲砧板好污糟,好多细菌」,因此「我唔想系肉档佢帮我切」,欲「我自己买返嚟切,避免用佢啲砧板」。他另外购入了中型尺寸的二手雪柜「因为雪柜好易清理里面,买二手都无所谓,雪柜好襟用㗎嘛」,强调是「家庭用𠮶啲,唔系大雪柜」。
内地朋友托买碎肉机、碎骨机
邝球透露,他于2023年2月8日在上海街购买碎肉机,惟他没有将碎肉机带到龙尾村单位,因「买呢部机之前一个星期,广州大陆有个朋友叫保叔,佢做饮食业嘅,佢叫我系香港,帮佢买呢个碎肉机,同埋厨余机,俗语有啲人叫碎骨机」。邝球被问及为何宝叔不在内地购买厨余机时,邝球回应「大陆𠮶啲唔系咁襟用,外国牌子襟用啲,大部分做饮食业𠮶啲都系买外国牌子多」。
买碎肉机当日并一并购买大煲炸筛
邝球确认,当日邝港杰前往上海街找他欲一同食午饭,他在购买碎肉机时「售货员拎呢部碎肉机」予邝球检查,「就拆开呢个碎肉机插电,俾我睇下呢个运行嘅情况」。邝球确认碎肉机运作正常后「就买咗呢部机啦,同时睇下铺头有无其他嘢买,买咗好大个煲、𠮶啲篱,同埋买咗𠮶炸筛」。
碎肉机金属托盘遗留车上
邝球透露,他以现金支付款项,大约8千元左右,随后店员协助他将碎肉机放回盒子内,惟她将金属托盘塞入盒时「几乎个箱俾佢塞烂咗咁滞」,因此邝球提议将托盘拿出放在车上。证据显示,警方在单位找到该金属托盘。邝球解释,他将碎肉机在「即日傍晚时分去咗红磡火车站交咗畀阿保叔个伙记,等佢带返大陆」,其后再没有见过部碎肉机。
大炸筛用作打边炉
邝球又指,他购买小汤煲「用嚟煲汤饮」,大汤煲则用作种植冷籐植物,令单位「好睇啲有啲绿色植物」。邝球形容,大炸筛是「打边炉用㗎」,解释道「大陆打边炉𠮶啲文化同香港啲打边炉文化唔同,啲人好中意将成碟牛肉倒入去」,他自言「大陆朋友多,咪就返佢地啲文化,同埋我自己都系咁样系大陆生活」,并指「如果你朋友多,打边炉咪可以承载啲牛啰,成碟倒晒落去都得㗎嘛」。邝球提到,涉案单位的喷漆并非由他购入,应该是邝港杰购买的,以用作竹栏定位及量度距离。
买帆布铺地免喷纸折画油滴落
邝球回想,他在上海街另购买了胶帆布,因打算在天花板喷上了纸折(纸模)彩画,因此「我惊啲油滴咗落地下好难清洁,我咪揾帆布铺住」,惟该些帆布根本难以塞入透明胶箱,而他仍未有空前往广州购买彩画。
用纸皮遮窗免阳光射入休息时「唔舒服」
邝球提到2023年6月5日买来胶帆布后,翌日铺设在村屋地上,惟没有铺在墙上,另外用上了纸皮遮蔽窗户,解释因为「窗帘可能薄过头、透光⋯⋯我做完运动通常会睇下报纸睇下书听下歌,有时瞓下晏觉,太阳射入来咪唔舒服,咪用𠮶啲纸皮遮住个窗」。邝球交代甫租用单位便会去龙尾村村屋「散步、缓步跑,喺𠮶度食晏啦,有时候做下啲运动啦,返去之后跟住唞下啦,睇下报纸睇下书听下歌啰,同埋最多都系瞓晏觉,又曾在龙尾村村口2间茶餐厅用膳,记得其中1间叫「BB开心栈」,「另一间唔记得个名喇」。
帐篷由尚文苑带到龙尾村单位
邝球又交代会在村屋「洗嘅都系袜呀、底裤𠮶啲,面𠮶啲衫都系攞返尚文苑洗衫多」,所以带备了婴儿用洗衣盆「浸衫裤」。至于帐篷邝球供称由「尚文苑带过去嘅,去做水上运动游水𠮶阵呀,可以摆低随身物品」。邝球另指村屋中「自己做清洁,Damon帮我做清洁,佢帮我洗过天井」。邝球再指当时计划要买电视、洗衣机及床。
政府推行电话实名制 当日购2张Sim卡
邝球指租用凯旋门打算供女朋友居住,女朋友原居于铜锣湾,「住得闷咪搬下啰」。被问到何不于龙尾村同居,邝球指「我入龙尾村目的就系养生、健康身体,好多人唔习惯住呢啲村屋嘅,钟意住城市区嘛,所以冇要求人入去住」。邝球最后交代案发当日购买2张Sim卡供邝港智及自己使用,因为港府实行电话卡实名制,储值卡将于某日停用,另外邝港智当时用的电话卡由谭方骏登记,邝港智投诉「Chris就好烦,成日打畀佢倾埋啲无聊嘢,唔想再倾咁多无聊嘢」,遂打算重新买入电话卡,并将原有电话卡交还谭方骏。
相关新闻:
蔡天凤碎尸案|邝球出庭作供:曾汇款3千万元予蔡天凤购加多利山 「单位业主用我名」
蔡天凤碎尸案|邝球:同意出售加多利山 初拒签授权书因律师提醒「老人痴呆症」才用
蔡天凤碎尸案|邝球称从未与蔡天凤因物业口角 租龙尾村屋因清净空气好
邝氏三父子被控谋杀蔡天凤
邝港杰、邝球、邝港智同被控1项谋杀罪及1项阻止合法埋葬尸体罪。控罪指3人于2023年2月21日,在大埔汀角路龙尾村56B村屋地下内谋杀女子蔡天凤,并在2023年2月21日至23日期间,于同地阻止合法埋葬蔡天凤的尸体。三人否认谋杀罪,但承认阻止合法埋葬尸体罪。
本案以英语进行,由暂委法官祁彦辉(Brian Keith)审理,控方由外聘资深大律师郭莎乐(Charlotte Draycott)、高级助理刑事检控专员梁育珩、高级检控官林晓敏及吴希乐、检控官尹培轩代表,邝港杰由大律师Trevor Beel代表,邝球由大律师戴伟奥(Oliver Davies)代表,邝港智由大律师安华晖(Andrew Raffell) 代表。
案件编号:HCCC198/2025
法庭记者:陈子豪 黄巧儿

















