前亚姐袁洁仪罕谈三度流产 怀胎4月引产膀胱撕裂大出血致不孕 曾欲劝前武警老公揾二奶
发布时间：09:00 2025-07-13 HKT
人称「洁仪姐姐」的90年代亚视儿童节目《精灵一族》主持的袁洁仪，在1989年参加《亚洲小姐竞选》获得第五名后加入亚视，其后成为力捧「十二星道」的其中一员，本来事业发展顺利，不过在90年代后期因亚视自制剧减少，袁洁仪将工作重点放在主持《今日睇真D》。
袁洁仪曾三度流产自责建议老公「包二奶」
袁洁仪在2000年转投TVB，不过发展仍然未如理想，结果在2009年离巢并北上工作，期间遇上曾任职武警、现为商人的内地男友，结婚在内地定居兼发展，直到近年间中返港工作。日前袁洁仪接受钟慧冰的YouTube节目《冰姐的花样人生》的访问，袁洁仪曾三度流产自责，结果建议老公「包二奶」。
相关阅读：58岁《宫心计2》女星罕受访！一年前满面皱纹现今状态惊人 老公曾当武警现长居广州
袁洁仪曾三度流产自责：
袁洁仪与老公是「姊弟恋」
袁洁仪在节目上提到与老公是「姊弟恋」，本来二人未有结婚打算：「𠮶阵都好纠结，担心自己老咗要佢照顾我，点知系天注定，我突然间有咗，老公话梗系生落嚟，咁我哋咪排期结婚，𠮶阵我哋喺香港注册，不过检查𠮶阵医生话bb冇咗心跳，唔要得。」袁洁仪称老公知道后，坚持要继续结婚：「冇耐第二个同第三个都嚟咗，但系第二个都系一个月冇咗心跳，到有咗第三个，我咪乜嘢都唔做，专心养胎，连检测都冇嚟香港，全部喺内地进行，本来顺利度过三个月，点知验出BB好大机会有唐氏综合症，权衡轻重后，决定排期做流产，我以为系一痛就会自己流出嚟，点知半夜一点开始痛，仲叫老公唔好过嚟，以为好快搞掂。」
袁洁仪因流产导致膀胱撕裂不停出血
殊不知原来痛了很久，袁洁仪问医护人员点解仍未流出来，他们竟然说：「你已经差唔多4个月，要好似生仔咁等佢自己出嚟，过咗半个钟，我feel到啲羊水好似喷出嚟，咁咪谂系咪要好似隔离𠮶个妈妈咁用力，我用咗一下就feel到有嘢出咗嚟，𠮶阵我唔敢望，只系心谂『小朋友，我哋有缘再见喇。』」袁洁仪以为自己已经「搞掂」，但过了很久发现自己不停出血：「𠮶个主任话系膀胱撕裂，要即刻推上去做手术，原来系我太大力搞到撕裂咗，自此之后我呢个子宫嘅环境跌到好低谷，就算我再重新去调整，都唔可以再怀孕。 本来老公坚持要我去调理，我心谂『不如你去揾二奶咪仲好』，但系最后我都冇讲到出口，点知呢番说话喺ming姐（林建明）身上听到。」袁洁仪老公曾找过代孕，不过因为生意很忙，最后打消了这念头。
相关阅读：《今日睇真D》女星素颜现火车轨！义气照顾车祸破相女星 三度流产曾得罪王菲？
袁洁仪向来给人一种乐观的感觉
袁洁仪向来给人一种乐观的感觉，但事实上经历不少低谷，在亚视时期曾与莫家尧拍拖7年，她曾说早期拍拖不能公开，当时可能靓仔又后生，所以有不少女仔埋身：「我成日问仲钟唔钟意佢，谂谂吓咪忍一下，但最后都系忍唔到。」袁洁仪后来发现男友与自己的女朋友挞着，最后在情人节的决定分手：「𠮶阵佢打电话约我去食饭，点知去到无端端约埋我𠮶个女朋友，不过我已经唔识嬲，完全放低咗呢个人，笑笑口食埋餐饭，之后就走咗，好似普通朋友一样。」
