「大食女神」首谈被捕事件 曾涉偷鸡饭称受情绪困扰 自爆有私密照外流：拎我啲相去卖
发布时间：12:00 2025-05-09 HKT
ViuTV节目《晚吹 – 怨女俱乐部》日前播出的一集，邀请了「大食女神」雪儿（Suet E）担任嘉宾，雪儿在2023年曾因在元朗涉嫌偷鸡饭而被捕，事隔2年，雪儿首度回应事件，她坦言当时因为情绪问题而并非「穷到冇钱食饭」：「开心就食，唔开心又食，食嘢变咗我发泄压力嘅方法。」
雪儿性感暴露相流出情绪陷谷底
当日雪儿情绪陷入谷底，原来与早年做模特儿不快经历有关。雪儿称刚入行初初被一个商业摄影师睇中，对方赞自己有潜质，大家合作影了多相都很满意，直到第三次影相时，摄影师哄她影一些比较性感、暴露嘅相并说「随意啲影无问题」，结果年少无知的雪儿信以为真，最后这辑相片竟然在网上流出，甚至可能被人用来揾钱！
相关阅读：千色汇涉偷鸡饭牛奶女身份曝光！性感KOL曾出写真与庄韵澄同场 早前流出裸照报警称受骗
雪儿年少无知误送甜言陷人生谷底：
雪儿有勇气重新面对「鸡饭」事件
昨日（8日）雪儿在IG撰长文，感谢ViuTV令到她有勇气重新面对「鸡饭」呢件事，同时希望借着自己的经历，提醒女生「唔好轻易信人」。雪儿说‧：「五年前初初接触摄影，做model被摄，受到合作过两次嘅摄影师不断游说拍摄私密照，『私处会透过灯光阴影遮盖』、『照片唔会外流』、『净系俾你自己留倩影』。但结果并非如此，直至我开始较多人认识，竟然私下拎我啲相去卖，最后流岀到去讨论区，受到好多网民对我身体嘅评论同言语攻击。就算曾经报警都冇用，摄影师同卖我啲相嘅人仍然逍遥法外。」雪儿坦言当刻感到很惊和无助，同时亦受到海量的DM骚扰：「𠮶个时期我完全唔敢见人，逃避每个人嘅眼神，觉得全世界都睇过我嘅相，简直生不如死。我嘅情绪同压力都已经到崩溃嘅状态，唯有靠暴饮暴食先缓解到少少，每日就系食同喊，食到攰就瞓觉，然后起身再食。直到有一日，我同家人因呢辑相争执，脑海一片混乱，完全失去理智同判断力，然后就发生咗所讲嘅『鸡饭事件』。呢件事毫无疑问系我嘅错，我都承受咗法律责任，好好彩经家人、朋友嘅陪伴同鼓励，接受咗心理治疗，克服咗最难过嘅时刻。」
雪儿用亲身经历提醒大家
雪儿续说：「我打咁大篇嘢，唔系想追究啲乜嘢，或者推卸责任赖自己心情唔好，而我系想藉住呢个节目呢个机会，用发生系我亲身嘅经历提醒大家『唔好轻易信人』，影完相一定要check相，有咩唔对路即del。有情绪问题，有咩唔开心一定要同人倾诉，自己郁郁埋埋真系会爆煲，同时希望大家都关心一吓身边朋友嘅情绪，有时俾一个简单嘅拥抱，都差好远。」她又称：「𠮶啲相好丑，我自己都唔想再见到，要啲相永远消失系冇乜可能，相变唔到，但人系可以改变！可以变得更好！而家嘅我已经唔系相中嘅我！积极改变自己，同时学习处理压力同自己嘅情绪。有时间畀自己胡思乱想，不如增值自己同做更多有意义嘅事，做多啲慈善帮助有困难嘅人同流浪猫狗。最后要多谢大家嘅支持同鼓励，我先可以企返岀嚟拍片，感恩大家钟意睇我食嘢。每次喺街被观众认得话好钟意睇我啲片，我都好开心、好欣慰。我唔知我可以走到几远，至少呢刻我好希望可以继续带欢乐畀大家。」
