星8卦丨「太太」得「富豪」照顾为面子嫁「明星」 做兼职养家财来自有方
更新时间：15:50 2025-02-07 HKT
发布时间：15:50 2025-02-07 HKT
发布时间：15:50 2025-02-07 HKT
字体大小
好多人都一直被人怀疑财内自何方？好似「太太」就系一个唔明点解总有钱使嘅人。当日嫁「明星」，明明两个人都冇钱，但就风风光光咁出嫁。𠮶阵已经有传「太太」系「富豪」嘅五奶，「太太」又好想埋街食井水，「富豪」见佢嫁得咁出名，应承畀笔大钱风光做人妻。
相关阅读：星8卦丨「歌女」追「阿叔」谂住有钱揾 两面不是人遇渣男撇清不伦恋
婚后「明星」一样沉迷不良嗜好，为咗撑住门面所以每个月都见「太太」出现「富豪」写字楼等攞家用。「太太」因为出身比较平民，好知人情世故，「富豪」仲要喺自己喺人世差唔多嘅时候，介绍咗自己嘅好朋友畀「太太」，希望好朋友可以得闲就照顾下「太太」生活，呢份感情已经超越咗男女之间嘅情情爱爱。
相关阅读：星8卦丨「鬼妹」做「高佬」女朋友 当赌债肉偿扭曲关系分手
「太太」咁多年养住「明星」都系因为门面唔想衰，毕竟佢同「富豪」嘅事情唔系秘密，好胜嘅「太太」要生活亦要家庭，真系两难全。好快同「明星」生咗3个细路，生活就更艰难，好彩「富豪」当日吩咐好朋友帮忙，佢又真系长期介绍到啲客畀「太太」做兼职。
相关阅读：星8卦丨「古惑」爱滚「大婆」心水清每年计数 互相尊重高人夫妇
由于「太太」好有老板或老人家缘，虽然而家人老色衰，但仲系有几个对佢照顾有加，定期畀月费，咁样大家至见到「太太」周身名牌，连追小鲜肉都好够财力，去到边追到边，仲要好多人畀面，真系估佢唔到！
