王贤志申请破产丨吴家乐对「旧爱」破产不愕然 早年已听闻欠下街数 罕谈当年被示爱经过：拉我落水！
发布时间：12:30 2024-12-17 HKT
出身于豪门的王贤志（Vinci）昨日（16日）惊爆亲自入禀高等法院呈请破产，他在社交平台留言说：「如果人生的不同阶段就有如天气一样，肯定我将要迎接一段严寒的日子，不过对于未来，我必定不会放弃，继续积极及坚强面对！谢谢！」消息曝光后，不少人对王贤志呈请破产一事感到震惊，纷纷在发文下留言并为他打气，深信「难关终会过去，雨过终会天晴。」
相关阅读：王贤志亲证入禀申请破产：将迎接严寒日子 生于豪门爷爷王华湘及父亲王忠桐为王氏港建前主席
王贤志与伴侣周思聪（Kevin）相爱15年，两人2016年8月宣布于加拿大注册成合法配偶，娱乐圈首宗公开的同性婚姻。不过王贤志曾公开表示钟意过吴家乐：「我谂唔会唔知吓嘛，sense到嘅！」昨日吴家乐罕谈当年被公开示爱的经过，对于王贤志呈请破产一事，吴家乐说：「我之前都有少少消息知道。」
相关阅读：王贤志自爆曾喜欢吴家乐 结婚六年谈出轨：大家同意就唔算
王贤志入禀高院呈请破产：
吴家乐罕谈当年被王贤志公开示爱经过：
「50亿驸马」吴家乐昨晚在YouTube节目《娱乐好好玩》上，与主持江美仪和谢逊齐齐做节目，吴家乐称两人当年主持《K-100》而认识，江美仪即说：「所以你哋咪好friend啰！」吴家乐立煞有介事地说：「系『认识』接近超过20年，我哋系『同事』，你哋唔好将啲关系拉得太乱。不过我好欣赏呢个人做主持，佢记性好好，又有压台感。」对于王贤志呈请破产一事，吴家乐说：「听到呢单新闻系有啲可惜，但系呢单新闻出得叫迟。虽然我哋唔系好朋友，不过都识咗好耐，亦都系同事，大家都有啲ws群组。喺疫情之后都有啲聚会，听到少少佢喺出便都有啲『街数』，我觉得唔奇，因为佢始终系靠自己。」
吴家乐续说：「几年前佢爸爸好似已经唔再帮佢找数，所以我相信搞呢个骚（仔仔一堂）都几吃力，系咪就系300万、400万呢个数呢？肯定唔系。话晒大家都系同行，都唔希望听到呢单新闻，希望佢尽快过度呢个寒冬。」
相关阅读：王贤志前东华主席父亲罕露面受访 称得悉儿子性取向后有呢个反应
吴家乐太太周蕙蕙撞样陈慧琳？
吴家乐重提被「公开示爱」一事
江美仪立即追问吴家乐被「公开示爱」一事，吴家乐说：「当时系佢帮自己嘅节目做宣传，我冇睇过呢单报道，不过前一晚佢突然系咁whatsapp我，话有揾我，有嘢想同我倾，正所谓无事不登三宝殿，一定有阴谋，我当然唔听住，跟住佢留言话『有啲嘢想同我商量』，𠮶吓我即刻怯一怯，第六灵感觉得唔系好嘢，所以我冇覆佢。到咗第二日我睇到呢单新闻，好多传媒send畀我睇，佢哋唔系问我回应，而系话好笑，咁都拉埋我落水。」
吴家乐认对被示爱嬲爆
吴家乐还说：「佢哋觉得我入行咁多年都冇呢啲新闻，摆明系有人想宣传自己嘅节目，咁样嚟送我一程，仲觉得咁多人唔讲，揾我嚟讲，直接啲讲我都冇新闻价值，呢单嘢之后，系几好笑，不过我真系嬲，嬲系讲完呢单访问先同我讲，再加上我点会感觉到你钟意我？搞着我，大家都唔信。就算宣传，冇所谓，同我夹一夹，我唔得咪揾第二个。」
