星8卦｜「才子」嫌弃「斯文」老土偷嗒野性新欢陷三角关系不自知

更新时间：11:30 2024-01-02 HKT
发布时间：11:30 2024-01-02 HKT

「才子」到今日都系孤家寡人，其实系自己攞嚟衰，当初「斯文」同佢喺埋一齐，做到好似宾妹咁，大家都抵唔住颈，成日提醒「才子」要对人好啲。原来「才子」心底系钟意啲野性女人，「斯文」好似教书老师咁，做节目主持有板有眼，亦都好有观众缘。

呢个世界送到埋身就唔值钱，「才子」见你钟意我多过我对你好，有时对佢呼呼喝喝，但唔知系咪情债未还完，「斯文」好似鬼上身咁同佢住埋都不特止，仲日日煮好餐饭等佢返嚟食。后来有次佢喺出面识到条陪酒妹，俾𠮶种烂挞挞又性感嘅行为外表吸引，唔够两个月就同「斯文」讲要分开住，叫佢返屋企，仲唔使日日嚟，但要定时帮自己交杂费就得。

「斯文」好伤心，但依然做番女朋友本份，有次偷偷入去「才子」间屋，见到已经全部换咗陪酒妹嘅家当，「斯文」终于醒觉自己咁多年嘅付出系多余，一句都唔讲就彻底消失。最近佢终于撞到个老实人，两个仲拍紧拖，好女人一定遇到好男人嘅，只要还晒啲孽债之后。咁陪酒妹又点呢？「才子」贪新鲜，痴迷得以为自己系世界上最幸福男人。但据知情人士讲，陪酒妹同佢嘅靓仔消防员一直仲系有来往，至于「才子」嘅钱系咪足以令陪酒妹下定决心继续，就要下回分解。

星8卦｜「奇萌」艺术家性格唔识揾钱「势利」贪名牌甘心卖身养家

星8卦｜「牛奶仔」为前途同「大喱」扮情侣为真女友终止假新闻蚀章

星8卦｜「绝世」心急嫁「老公」被利用翻身后悔惟有扮低调

《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ