星8卦｜「博命」受「高人」宠幸落难有「浪子」帮忙够期协议分手

更新时间：12:00 2023-11-24 HKT
发布时间：12:00 2023-11-24 HKT

对于「博命」同「浪子」行唔到尾，大家都有啲诧异，因为两个人都有晒经历，「浪子」有几个老婆，生咗一堆细路，以为同「博命」一齐就可以定落嚟。

「博命」有自知之明，同「高人」一齐之后，简直系富豪级享受，出入私人飞机，仲喺「高人」嘅环头横行称霸，佢有段时间以为自己系皇后，而且「高人」真系锡到佢㶶，毕竟后生有名气，对于男人嚟讲都系一种征服。可惜一朝天子一朝臣，「高人」个老窦唔掂，影响埋佢嘅前途，而佢之前又太大胆，以为自己可以坐上一哥嘅位，竟然用方法令到自己嘅「兄弟」差啲命都无。

「兄弟」一旦上位就梗系同你计数，你想我死，我亦都唔畀好日子你过，结果当然系「高人」斗输，全部家当无晒，仲要连累九族。「博命」喺未杀到埋身嘅时候，已经同有关当局申报利益，话愿意拎番晒喺「高人」𠮶度拎到嘅利益，于是你肯投城而利字当前，「博命」就可以甩难。所以大家都奇怪佢几时同「浪子」挞着？又点解咁快可以结婚？原因好大部分系两个人协议好「浪子」系帮「博命」避难，而中间系有感情嘅，不过薄弱啲，分开系协议之一，只系有细路系意料之外啫！