星8卦丨「马骝仔」凑女强人有一手制造初恋感觉软饭长食长有

更新时间：11:00 2023-06-30 HKT
发布时间：11:00 2023-06-30 HKT

「马骝仔」一向系呢个圈嘅软饭王，当日氹到「孤独」神魂颠倒，不惜同「老相好」反面，「老相好」畀佢激到好伤心，明知畀唔到将来对方，但都希望系自己庇荫下揾到个好归宿。

偏偏「马骝仔」不务正业，喺圈中成日做埋啲不法勾档，早年系咁卖药畀啲当红哥仔「发癫」同「官仔」，但近年大家年纪大又唔兴，话要锡下身，咁就断咗一条大财路，所以佢努力做马伕，不时介绍唔同嘅老细畀娱乐圈急住揾钱嘅妹妹仔，抽埋啲佣都唔错架。

但「马骝仔」都知靠人不如靠自己，一直都抛埋个身出嚟揾啲寂寞芳心，「孤独」闻说到而家都唔系好放得低，如果唔系畀佢呃咗层楼都唔会醒。近期「马骝仔」仲掂，成日出入坐私人飞机，身光颈靓过富豪式生活，咁就要多谢佢当日签咗畀「大佬」，大佬唔掂就将成副身家畀咗「老婆」，「老婆」呢几年都有玩包养，但大佬一直唔俾面，要制造情圣感觉，所以都令「老婆」好委屈。

而家自由身，见到「马骝仔」积极埋自己身，又睇下你点？哈，「马骝仔」除咗床上功夫了得，最重要系叻在令佢身边女人回复初恋感觉，个个都好似回春咁，而且系愈强嘅女人佢凑得愈掂，「老婆」直情爱到好似18岁𡃁妹咁，一刻钟都要佢喺身边，希望今次「马骝仔」存番个钱，为将来打算下啦！