头条独家丨《造星IV》东东想做演员 KB畀80分赞叻女
发布时间：21:30 2022-01-02 HKT
东东（郭东彩）在《全民造星IV》最终30强止步，对成绩她已觉满意，认为这几月零收入兼使凸，但赚到远比想像多。举手被foul的东东，又指对做女团兴趣不大，未来想尝试行演员路，自评唱歌灾难的她更自爆被邀献魔音。而经理人KB（Kevin Boy）亦赞东东整个比赛表现达80分，之后会依她兴趣铺路发展。采访：杜杜 摄影：叶君海 发型：Terry Yeung@Yonda Hair 服装：服装提供：HER
东东直言最初对参赛没野心，以为第一轮已被踢走，想不到能玩到30强，已超额完成比赛，对于举手被foul获外界赞型，她承认唱歌跳舞并非想发展方向，未来除继续踩滑板和做美甲外，还想当演员，「我细个已经好钟意做戏，有参加过戏剧班，小学时喺大会堂表演过，但大个就冇乜机会接触戏剧，我就想而家开始接触返，慢慢学番点样做戏。」
比赛零收入兼使凸
比赛除了令东东认清方向，赚得最多是友谊，「参赛最初我系折折哋，份人比较慢热，一开始谂会唔会有好多八婆嘢，但呢班女仔都好善良同好易相处，仲可以玩到好癫。」不过她承认比赛期间零收入，现要积极揾钱，「呢几个月都系靠积蓄同之前工作出嘅粮为生，都有啲压力，因为唔计食饭买衫𠮶啲，净系坐的士都使咗4千蚊，嚟紧美甲店会开番，努力揾钱先。」她承认知名度提升，令美甲生意和工作都增加了20%，更不单有人冒名而来揾她美甲，还有邀请自评魔音的她献唱，「唔单止系女仔，令我惊讶系有男仔问过话想揾我整指甲。另外，我喺DM收到个邀请叫我唱歌，我都吓一吓，不过冇钱嘅后尾都拒绝咗，不过有钱叫我去表演我嘅魔音就考虑吓，哈哈！」
KB话撇清同东东关系也觉她表现不俗，「我会计返佢以前又哑又跛，所以会畀佢80分，差𠮶20分真系喺唱歌方面，但佢最尾𠮶个表演我真系O晒嘴咁正。」作为经理人KB强调会先拣东东喜欢的工作给她，「唔会叫佢做揾钱机器，首先问佢想唔想做，佢钟意做先可以感染到观众，下年佢想学戏会畀佢学。」
