当年移民加国同老婆险离婚白彪留羊咩须改运攞埋男配奖

更新时间：18:07 2021-01-30 HKT
发布时间：16:41 2021-01-30 HKT

白彪去年喜获龙凤胎孖孙，笑言带挈爷爷得奖。

74岁白彪凭《香港爱情故事》获万千星辉颁奖礼「最佳男配角」，入行52年的他，于90年代移民加拿大后，也跟剧中人一样同老婆嗌交嗌到离婚。他说：「当时冇乜戏拍，心情麻麻，两公婆嗌交嘅时候又会口不择言，我同老婆讲咗一句『咁多样嘢你识乜吖！』原来伤害咗佢，佢就记住喇！有一次我好衰，嗌到㷫起掟咗个花樽落墙度，仲掟穿咗个窿，为呢件事老婆要同我离婚，纸都差不多签埋，好彩后来大家冷静，老婆回心转意……𠮶个窿3个月都冇人理，我第一件事亲手去补返个窿，连随就补返埋段情！」
白彪称两公婆一定有拗撬，只要体谅，各自退一步，最重要勿提离婚两个字。虽然现在跟老婆分隔两地，但互相信任，老婆还赞他的戏好看。他说疫下一对龙凤胎孙儿诞生，老婆也有回港探孖孙，但8月已返加拿大，因为一对孖孙在港不足月出世，他眼见就像两堆面粉仔，又因疫情关系他及家人均未能到医院探望，只能靠护士上传照片，实在担心到不得了。幸好乖孙们现已学行，才放下心头大石，为此感到开心。

白彪与米雪为第一代郭靖与黄蓉。

白彪看好当年青靓白净演杨过的古天乐，晒黑后更不得了。

这位第一代郭靖至今难忘当年被金庸公开称赞，因为够戆居演郭靖最适合，白彪对其郭靖演艺路亦甚回味：「1995年喺无线拍《神雕侠侣》拍住古天乐、李若彤，我第3次做郭靖驾轻就熟，喺大陆非常红，四处登台，愈偏僻愈红，个个都好崇拜我。当年古天乐青靓白净，成个白面书生咁，哗！好好记性，好专业，演得好自然，武打同动作都OK，古仔行出来成个杨过咁。当年我睇佢眉目气质，睇出佢非池中物，佢演古惑仔、谈情说爱、喜剧样样掂……佢晒黑咗仲好，个人sharp咗，男人味出晒嚟，改咗肤色，唔知点解啲运即刻到！」
白彪以自己为例，前三年没太多工作，就试留羊咩须改运，即获派演《爱．回家之开心速递》雷公角色，然后有对龙凤胎孖孙给他带来好运获奖。白彪又点评后辈，对林淑敏及罗天宇加以赞许：「我最欣赏大小姐林淑敏，佢做戏好流畅，每一个动作、表情，我都好欣赏！罗天宇性格戆戆直直又内向，外型都似郭靖，如为郭靖选角，佢嘅演绎方法都有八、九成似。」