做完城城先帮黎明雷颂德认笨唔敢食两家茶礼

更新时间：20:19 2020-05-07 HKT
发布时间：18:14 2020-05-07 HKT

雷颂德接受主播人许文轩访问。

乐坛四大天王中，雷颂德(Mark)跟黎明及郭富城都好有渊源。之前他接受J2节目《我们的音乐时代》主持人许文轩(Edmond)访问时剖白说：「当时四大天王已经好红，开始有阻力，系小美揾我打做郭富城，我要帮佢更上一层楼嘅同时，亦要省靓我自己嘅招牌，因为《纯真传说》同《强》嘅成功，先开始多人用我嘅歌。」

「另方面，黎明亦有揾过我，但我推咗，我认我笨，我觉得冇理由食几家茶礼，咁样唔Work，因为四位天王喺市埸上已经系斗紧，直至郭富城冇揾我做，我先应承黎明。当时黎明去到一个樽颈、停顿位，我又要帮佢洗底，成为洗底王，全力做咗《情深说话未曾讲》。」

至于为黎明打造快歌原来系Leon主意：「佢话个市场冇乜歌曲可以令人跳舞，所以我即刻写咗好多首，点知佢唔收货话唔OK，话呢啲唔系亚洲人嘅快歌，未能令人闻歌起舞，哗！佢话我啲嘢唔得㖞！当时我哋有啲冲突，佢叫我跟佢去韩国，我哋落咗当地嘅Club同Disco去感受咩先系亚洲人嘅跳舞歌，仲留咗喺韩国个几星期研究，之后做咗《全日爱》同《眼睛想旅行》等」